E hoa e te Hokioi e mea ana toe rapua atu he tikanga mo taua. Na ki toku mahara te tikanga pai mo taua kia ata whakaaturia mai nga he o aku korero a kia kaua e whakapiritia he ingoa piro ki runga i au. Heoi ano. NA TE PIHOIHOI Ki TE HOKIOI

Kua kite matou i nga korero a te Hokioi mo te tima. Ko ana korero na, te taha maori, inaianei whakarongia marietia ta, te taha pakeha.

Ko nga maori i roto i o ratou korero katoa mo te aha mo te aha ranei, e wareware tonu ana, tera ano he taha Pakeha Kahore pea e mahara he pakeha ano i roto o Waikato e ata noho ana i runga i tana ako piihi, me te kore hoki e whakaarongia ta enei tangata e pai ai. Ko te take he tokomaha ,nga maori, he ouou nga pakeha. Ko te kupu a Paora "Kaua tana ake e tirohia e tetahi e tetahi, engari ko nga mea a era atu hei tirohanga ma tetahi ma tetahi." Piripai, 2 4. Otiia ko ta te ngakau maori kia kaua e tirohia e te tangata kaha nga mea o te tangata kahakore. Na he nui te matou matenui ki tenei tima te take kei mate tonu matou i te hoenga mai o a matou taonga i te ia nanakia o Waikato tetehi hoki kei pau o matou ra katoa i runga i taua rori awhio, a e mea ana koutou kia hapa matou i tenei mea pai, ara i te tima, na te koutou wehi, a kahore koutou e titiro ki nga mea a ora atu, ara, a nga pakeha.

Na, ki taku whakaaro, he maminga noa iho tenei kupu "wehi" Aua ka wehi te tangata ka ata noho in ekore e rangona te reo: tena ko tenei, turituri ana a Waikato i ta koutou hamumutanga me ta koutou whakapuakanga ka puhia e koutou te turia. Ki toku whakaaro ehara tenei i te "wehi" engari he "whakawehi".

Ki ta koutou he mea whakawehi te tima, a ko nga mea e mohiotia ai ko te hanganga i taua tima ki te rino. Ki ta matou he kuware rawa tenei whakaaro; no te mea, ehara te hanganga ki te rino hei. mea whakakaha mo te patu atu e rite tahi te kaha o te tima rakau mo taua mea; heoi ano te take o to