|
| |||||||||||||
| TE
WAKA MAORI O AHURIRI "KO TE TIKA, KO TE PONO, KO TE AROHA. " No. 3. ] NEPIA, TAITEI, MEI 23, 1867. [VoL. IV. E MAU pouri ana matou i te peni ki te tuhituhi i te matenga o tetahi rangatira o te Wairoa, he tangata piri ki te pai, he tangata hapai i te tikaara ko Pitiera Kopu. No te te kau ma tahi o nga ra o Aperira i ngaro ai. No te ra whakamutunga O O o te hui i pa ai te mate i roto i tona poho. Ka mate te mano o te tanga- ta he rangi kotahi e tangihia ana, ka
mutu ka hoki ake nga whakaaro ki nga mahi o te ao. Ko te tangata noi ko Kopu ekore e mutu wawe te aroha o nga pakeha me nga maori ki a ia, no te mea ko ia te whakawhiri- nakitanga, ko ia te tuara o te katoa o te tangata mate, o te tangata
ora. Ko te ingoa o Pitiera Kopu kei roto i nga waha o nga pakeha katoa o Nepia e whakahuatia ara i tenei takiwate tamariki, te kauma- tua, e pouri katoa aua ki toua ma- tenga. Ehara i te mea he rangatira ia i tangihia ai e te katoaengari
na tona whakaaro tika i roto i nga wa o te kohuru, o te kino, kua, hori nei. Mehemea i rite nga rangatira maori katoa o te motu ki a Kopu te toa, te pono, te marama o te whaka- aro, penei kua kere e rongona te in- goa o te Hau Hau, kua kore e heke te toto o te tangata, kua kore e taea tera whenua a Wharekauri. I te rerenga toutanga o tona wairua ka
hoki ake te whakaaro ki te ao, Ka karanga ki a Ihaka ma, " Kia ata- whai ki te pakeha, ki te iwi katoa i muri nei! ! Riro pu tona whakaaro ki runga ki te pai, i tona oranga taea noatia tona matenga. Ka penei te ahua o te tangata kia kore ienei e tangihia? Me titiro nga ranga- tira maori katoa o te motu ki a Ko- pu hei tauira mo ratou. Ekore e korerotia e matou i konei toua toa ki te tiaki i ona pakeha i te Wairoa koi mate i nga iwi kohuru, he mea hoki kua mohiotia e te katoa. I te kawenga ki te tanumanga he rangatira pakeha etahi ki te amo i te kawhenanga rangatira o nga hoia pakeha o te Wairoa. Ko to ratou upoko, ko te Pereiha, raua ko Tai- tene te Kai Whakawa, ki te pupuri haere i te kahu whakauhi i te ka- whena. Te taenga ki te tanumanga i te Hatepe ka hui nga hoia pakeha ki reira pupuhi aihe tangi ki to ratou hoa riri ki te Hau Hau. E korerotia ana kai te kohikohi moni nga pakeha o te Wairoa hei utu urupa mona kei konei pea kei Nepia etahi moni. Ko te urupa e meatia aua kia hangaia ehara i te rakau, he kohatu ia. E kiia ana kia pai rawa te hanganga i runga ano i ta te pakeha tana tohungatanga te whakapakoko, te whakairoiro, te aha noa atutetahi, ka tuhia nga korero o te rongo pai o te tangata e moe ana ki raro, he mea kia mau tona ingoa ki era whakatupuranga. Kua riro koe e koro. Haere pai marire; l: o to rongo ka mahue ki muri ki te ao nei. Ko te ki tenei a te Karaiti; " Ko au te aranga mai me te oranga; ko ia e whakapono ana ki a hau, ahakoa kua mate ia, e ora ano ia; ko te tangata e ora ana, a e whaka- pono ana ki a hau ekore rawa ia e mate. "
HE TANGATA MATE. No te Parairei, te 29 o nga ra o Maehe nei, ka mate a HERI ANI TAPUKE te wahine a Teo Kara pakeha no to Wairoa. E ono nga marama e ngau ana te mate ki taua wahine, a ka ngaro. Tona mate he Kohao (Dropsy). Ka rua te kau ma wha nga tau e moe ana i toua tane. Ko ana, tamariki tokiwa, kotahi i mate tokowaru e ora mai nei ano. He tama- hine taua wahine na Turuparera, hei tuahine ki a Ngarangimataeo o Ngatikapuamatotoru. Ko ana tau i tona matenga e wha te kau ma waru. He wahine ia e arohaina ana e wha- kapai tia ana e nga tangata katoa e tata ana ki tona taha. Ekore tona whare e mahue i a ia. Tana tikanga he noho touhe wahine kakama ki te mahi. Ko tana tane he tangata tawhitohe tirohanga kanohi no nga kau- matua o mua. Rere rawa tona Wairua ki te Reinga e ora ana ona hua hei tangata ki te Aohei oha- tanga mana ki toua tane. (Although she has gone to the abode of spirits, she yet lives in her children, who remain as pledges of her enduring affection to her bereaved husband).
TE HUI I TE WAIROA. Ko ta matou i whakaaro ai kia pa- nuitia nga korero o te hui i te Wai- roa i to matou taenga toutanga mai ki Nepia nei kia we te rongo nga |