KAI-WHAKA-MAORI RAUA KO PARAHI, KEI TE AVENUE WHANGANUI.

Kotahi Putanga i te Wiki. HATAREI. 27 OKETOPA, 1877. KUA totohu te Waka Maori nupepa kotahi ano to raua hinganga ko te Kawanatanga nana taua waka i hahau ; te take i hinga ai taua Kawanatanga, He tohe tonu nona ki te whakaputa i taua nupepa i roto i nga ra o te tau kua huri nei, he turi nona ki te kapu i pata i te Paremata, me mutu taua mea. Na, notemea kua toremi taua waka, kua puta te whakaaro o nga Rangatira o TE WANANGA, me whaka- rarahi ake e ratou nga wharangi o ta ratou nupepa, kia pera tonu ai tona ahua me to nga tino nupepa nunui o nga motu nei kia tino uru ai ki roto i ona wharangi nga rongo korero e puta ana i nga wa katoa, ara. kia kore rawa ai nga mea katoa e pirangi nuitia ana e te iwi Maori e hapa i a ia te panui ; me te waiho marika ano hoki i etahi wharangi kia tuhera, kia taea ai e ia te uta ki nga wahi katoa o nga motu nei nga reta katoa e tukua mai ana ki a matou e o matou hoa Maori, engari ko nga reta anake e whai tikanga ana, e pai ana nga korero, e utaina ki runga, e kore rawa te reta kino nga korero me nga whakaaro e tukuna ki runga. Ko tenet nupepa ko TE WANANGA he mea whaka- puta na etahi tangata torutoru nei, kei Nepia tona Tari : Ko tana mahi, i roto i nga tau kua pahure ake nei, he tautoko tonu i te taha ki to iwi Maori, kei pehia kinotia ratou e era o nga whakahaere, a te Kawanatanga e kitea atu ana e TE WANANGA he