TE KORIMAKO.

He Nupepa whakaatu i nga rongo o te ao katoa, nga tikango o Te Whakapono, me era atu mea.

NAMA 2.

AKARANA, APERIRA 17, 1882.

TE UTU, 3D.

ALL communications to this paper are to be addressed to " TE KORIMAKO, Auckland, Post Office Box 270."

Ko nga pukapuka katoa mo tenei nupepa me tuhi mai ki a "TE KORIMAKO, kei Akarana, Pouaka Poutapeta 270."

KA taia a TE KORIMAKO ia marama, ia marama, a ka tukua atu ki nga tangata e tuku moni mai ana, e rua hereni mo te taut Me tuku mai te moni mo te tau i te timatanga.

THE KORIMAKO is to be issued once each month, the price to be two (2) shil-rings per year postage paid. Europeans wishing to subscribe can do so by addressing " TE KORIMAKO, P. O. BOX 270," or by leaving their subscriptions with Messrs. Champtaloup & Cooper Stationers. No. 76 Oueen-street.

" Kei te Atua to tatou piringa."

Ko te rue tenei o nga komemetanga o TE KORIMAKO. E kimi haere ana hoki ia i te hoa mona. He hopohopo nona, kei whakatikia ia ki te kai. No konei i tika ai te ki e mea nei, " Ko nga haere, kia haerea; ko nga korero kia korerotia."

Kei te mohio nga Maori o tenei motu, he tai-pakoa tonu te reo o te taha Maori, i runga i tenei hanga i te nupepa; a, kei te tai-tutuki te taha Pakeha, i runga i te reo-nupepa, inahoki, i whakaratohia nga taone katoa ki te nupepa Pakeha. Korihi-rihi kau ana tenei menu kotahi ki te whakaoho i te mano o nga Maori e takoto-tiraha mai nei ki rau-whenua. Me he mea, na te waipiro i whakamangere a koutou mahara; ko taku kupu tenei whakarerea-rukarukatia te inu i tera hanga whakarora i a koutou. Me he mea, he mana wapo-pore ki te rue hereni i roto i te tau te take o ngoi-kore nei ki te hapai eke i te nupepa reo Maori; e mea a au, hire eke nga korero o TE KORIMAKO i ena hereni korekore noa iho. Otira. ekoro ma, kei i a koutou tonu. Na koutou ka whakahawea, ka waiho kia hemo kai ana tenei menu, e taea te aha? Engari koa, ka taia ano koutou ki tenei kupu - "ou mohiotanga; ou kuaretanga hoki."

Kua puta te ki o te nupepa tuatahi, ko tenei mahara i whakareomaoritia he nupepa, i putake eke i te aroha ki nga Maori. Na ! ekoro ma; whakahokia mai te aroha ki te aroha, kia matauria ai e te ao katoa, kei te whakapurero eke nga iwi Maori i a ia ano. Kauaka tatou e tukua kia taunutia, kia whakakuwaretia. Manaakitia koa, ta tatou mahi te hanga e taia nei kia hau ai te rongo o nga iwi Maori ki nga topito o hea, o hea, ae, he ngakau tangata ano to te Maori, e whakaaro ana. He iwi ata rapurapu koutou. Mohio ai te tokomaha ki te korero pukapuka; a heoti nei koa, ta koutou nupepa. Ko tenet, tautawhitia mad; tautokona, kia puta ai ta tatou mahi nui.

NAU mai e TE KORIMAKO, nau ma - i, nau mai, i runga i te komuri aroha i te ata. hapara; i te korehu-tonga o te tai awatea; i te kakarauritanga o te maruahiahi; i te pouri-kenekenetanga e parangia nei te ao-turoa. I hara mai koe e taku menu i te rapanga, i te kimihanga, i te hahaunga, ki menu o uta, ki menu o tad, Turia te marae e Mako; whai korero koe i to pauauatanga i puta ai to ihu ki Rangiatea; i mau ai i a koe te puni-wahine, te kahui-tara, te tire taitama, te teretere pumahara. I peheatia e koe to komemetanga, i aro mai ai nga tauanui, nga pukenga, me nga tauira ? I katautia pea, e Rea, to patu, i urutomokia ai to where e nunui ma, e roroa ma, e te aitanga a Tiki o te motu nei. I rere atu koe e Tapu, i te tiangoangotanga o te aroaro, te hokinga mad, he ngahuru tonu. Kapai rapea u a taku menu. E Mako ahaku ! kua tautawhitia koe e nga iwi, kua taiapohia koe hei mokai ki te ringa. Kia tohunga o hamumutanga; haere i te pai; haere i te ara tau-tika tonu, kia whakarokuhia koe ki te wai e nga tohunga, kia herua ai e nga matamua, e nga pu-ariki. Hara mad, e rere, e Mako, ki te hard korero ki Tongariro, ki Putauaki, ki Tarawera, ki Ruawahia, ki Ngongotaha, ki Paeroa, ki Pirongia, ki Tokatoka, ki Te Aroha, ki Maunganui, ki Maungataniwha, ki hea, ki heat Waiho i te pepeha, "taringa rahirahi." Ko tau e hard se, ko te pa - i, ko te pai; ko te nu - i, ko te nui.

E MOE ! e moe ! Moea te po roe, te po uriuri. To te po tone kai, he moe. Kati, whakarongo. He aha tera e tangi mai ra ? Ina te pai o tana ngutu e korihi mai ra i roto i te nehenehe ! Tena, kia kaha to reo, e taku menu pai. Ki mai ra, kua tata te ao. Koia rapea, kua whai reo mai TE KORIMAKO na konei