TE KORIMAKO

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 33.]

AKARANA, OKETOPA 15, 1884.

[TE UTU, 3D.

MATENGA TANGATA.

No te 7 o nga ra o Hepetema ka tangohia e te Ariki ki Pararaihi, i Waimamaku, Hokianga, a HOANI TUORO, tetahi o nga rangatira o Ngapuhi.

PANUITANGA KI NGA KAI TUHI MAI.

Ko nga pukapuka katoa mo tenei nupepa me penei te tuhi mai ki "TE TORIMAKO, Pouaka 270 Poutapeta, kei Akarana."

ALL communications to this paper are to be addressed to " TE KORIMAKO, Post Office Box 270, Auckland."

THE KORIMAKO is to be issued once each month, the price to be two (2) shillings per year postage paid. Europeans wishing, to subscribe can do so by addressing " TE KORIMAKO, P.O. Box 270," or by leaving their subscriptions with Messrs. Champtaloup & Cooper, Stationers, No. 76 Queen-street.

Te Korimako

"Kei te Atua to taton piringa."

OKETOPA 15, 1884.

E HAERE ake ana te matau o nga iwi o te ao ki tenei mea, ki tera mea e whakaeke ana i a ratou ki te tihi o te matauranga; heoi kiano i kitea noatia e ratou nga take e tatu ai te mauri e kiia ai, e ! he whenua rangatira a Oropi, a hea, a hea. Nui atu te whawhai, he repo, he pumaori te hanga e whakanuia ia mai nei e nga iwi; a, i runga i era tu-patu kua whakahiahia nga Kingitanga kia puta te tohunga o tenei, o tenei, kia rere ke ai te kaha o tana, o tana patu Na ! i runga i enei whakamahinga i te patu hei whakamate tangata, i runga i te mahi-whakatara o tetahi ki tetahi, e ngana ana nga iwi o Ihipa (Egypt), o Parani (France), o Haina (China), o Itari (Italy), o hea o hea e te korera (cholera), e te koroputa-puta (smallpox), e te karawaka (fever), me era atu taru-whakamataku. Heiaha nga mateuruta, nga taru-whakahaehae ka whaia tonutia e nga iwi o tawahi te whawhai, te kohi - whenua, teaha, teaha; a, no runga i enei tuhanga, matakana ana nga rangatiratanga, kahore he tohunga hei tara i te moana kia moe ai te mata o te tai. Ko te huamo nui atu, ko te puapua o te tuatea nui atu, ko te taupoki-kino mai o te ngaru nui atu. E ki ana te kupu: " Utua te kino ki te pai." Hei aha ma nga Kingitanga o te ao? Ko ta ratou i pai ai, kia tutu tonu te heihei o te moana. Mohio tonu te Pakeha ki te whakamarie i te kararehe ngautangata, i nga manu maka, i nga ika. i nga aha, i nga aha, ko te tangata anake kaore i taea e ia. Tenei ake pea te mohio ai ki te whakamarie i a ratou ano, kahore ra nei.

Kua mea a Ingarangi kia tukua atu etahi hoia ki Hururana (Zululand) hei puripuri i nga tikanga hikaka o nga. Poea (Boers).

I nehua te tinana o Pene Ngahiwi ki Hamutona i te 1 o Oketopa.

Ko nga pitihana pehi waipiro ki nga whenua taha Kingi kua tae ki a te Kawana.

Te Mate Uruta.

KUA kaha ake te mate nei a te korera i Parani (France) e ai ta te nupepa. Ko nga tupapaku i taua i Henoa (Genoa) e whitu tekau i takoto, moe rawa i te ra kotahi; no Napara (Naples), e rima tekau nga tupapaku. Kawe noa nga Takuta i ana mahi tohunga, kia whati ai te porokaki o tera tu taru-whakahaehae, kaore e taea, e hou tonu, ana ki te ngau tangata mana.

Te Utu mo te Waea.

I MAURINGA iho o te 1 o Oketopa, 1884, ko te utu mo nga waea tuku atu me whakapiri i ki te Pane Kuini. Ko aua pane-kuini me whakapiri e te tangata nana te waea, ki te upoko o te waea ki te kokeu o te taha-katau o te waea. Ko te Ture tena i naianei hei whakamahara mo nga Maori e tuku waea ana i Aotearoa nei. Kei kai te tangata i te ika-wareware; engari, kia mana te Ture.

Te Hupirimi Kooti.

I TE whakawa o te Hupirimi Kooti, i Akarana, mo te marama o Oketopa, ka nui a Ngatiwhakauwe, ko Rotohiko Haupapa tenei, ko Te Piwiki tenei, ko Whititera tenei, me etahi atu; kotahi tekau ma toru tangata Maori o tenei whakawa. Ko nga Maori ano kei te whakawa i etahi ano o ratou; ko Mohihi te roia i kumea mai i Tauranga. mo nga whakawa ka turia nei.