Te Korimako

He Nupepa whakaatu i -nga tikanga o te Whakapono, nga Rongo o te Ao katoa, me era atu mea.

NAMA 43] AKARANA, AKUHATA 15, 1885. [TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. KO nga moni me tutu tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to "TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhi mai kaua e tutua mai he hiriwa, he korua ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka rira atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

Te Korimako

"Kei te Atua to tatou piringa."

AKARANA, AKUHATA 15, 1885.

I TE marama kua pahure ake nei i whakaaro ano te nuinga o nga iwi o tawahi, ka mau te rongo a Ruhia raua ko Ingarangi, otira kahore ano taua whakaaro kia pumau, notemea e ahua nukarau ana a Ruhia, i na nga waea e kii ana, ahakoa kua kii te Tumuaki o te Kawanatanga o Ingarangi, i muri tata nei ka oti pai nga tautohe a Ingarangi raua ko Ruhia, e ahua kaikaa ana nga tukunga iho o aua kupu. I na kua whakaaria e Ruhia etahi atu tautohe hou, waihoki e hui ana a Ruhia i ana mano turupa ki te kaainga i Peneteha (Penjdeh), he taone tera i pokanoa ta ratou tango, na inaianei e hui ana hoki nga hoia a te kingi o Awhekanitana, a tera pea e ara nga patu o te pakanga, kua tu tata nga hoariri tetahi ki tetahi. E titiro awangawanga ana te ao katoa, he pehea ranei he pehea ranei nga mahi tinihanga a Ruhia, mo ahea mutu ai. Na konei ka mataara tonu a Ingarangi, ka mahi tonu ia i nga mahi e whati ai taua iwi.

Ko to tatou Paremete e mahi ana i nga ture mo tatou whenua, e kii ana kua raru te Kawanatanga i runga i etahi o a ratou mahi, ara mo te hanganga o nga Rerewe o te tai hauauru o tera motu o te Waipounamu. Tera pea ka he te taha Kawanatanga i tenei tautohe.

Kua tae mai te waea o te 5 o nga ra o tenei marama, e kii ana, kua mate a Tamati Ngapora, ara a Manuhiri, he rongo tenei e pouri ai nga tangata katoa ahakoa Maori ahakoa Pakeha. Ka tukua atu a tatou mihi mo tenei rangatira whakahirahira i tu ano ia hei whaikii ki roto i nga iwi e rua, whakangawari-waritia ai e ia nga tautohe a te Maori me te Pakeha. I kawhau ano ia i nga Karaipiture i runga i te mana o te Hahi o Ingarangi i te whare karahia i Mangere, a i titiro whakamoemiti nga Pakeha katoa i a ia i Akarana. Heoi ra kua riro atu ia ki te waahi e haere ai tatou katoa, me whakawhirinaki tatou ki to tatou Ariki mana tatou e whakawhiti ki tera taha o Horano. Me mataara rapea tatou, notemea e kore tatou e mohio ki te haora e puta mai ai to tatou Ariki.

Te Arainga o te Ra.

E KII ana nga puwhakaaro ka araia te ra e te marama i roto i nga ra o Hepetema e haere mai nei. E kii ana ka pouri rawa te rangi ki nga kaainga e paatata ana ki Poneke, notemea ka tu te marama ano i waenganui o te ra. Otira e kore e pera rawa te pouri ki nga kaainga o te taiwhakarunga me nga kaainga o tai-whakararo o tenei motu.

E toru tekau ma tahi nga tamariki Maori e akona ana i te Kura Maori i Tipene, Aka rana: - No Ngapuhi, e 6. No te Arawa, e 6. No Ngatiwhatua, e 2. No te Whanau-a-Apanui, e 3. E waru nga tamariki kua uru kei nga mahi Pakeha, e rima kei te mahi kamura, kotahi kei te mahi humeke, e rua kei te mahi karaka tuhituhi i nga tari.