Te Korimako

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 44.] AKARANA, HEPETEMA 15, 1885. [TE UTU, 6D.

MATENGA. TANGATA.

No te 29 o Akuhata nei, 1885, ka mate a RUKA HOERA, ki te Hohipera, i Akarana. A he whakaatu tenei kia mohio ai ona matua. - Na Haimona Te Huia i tuku mai.

PANUI KI NGA KAI-TAUTOKO.

Ko te utu reo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to "TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhi mai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni.

Erangi me tuku mai i te panekuini, i te nooti, i te tieki, i te moni-oata-waea ranei.

Te Korimako

"Kei te Atua to tatou piringa."

AKARANA, HEPETEMA 15, 1885.

HE kii tenei, "ka ngahoro nga rau maroke e kowhetewhete tena ki nga rau mata. He nui nga rongo e ahu mai ana i ia waahi i ia waahi mo te mate haere o nga tangata Maori o tenei motu o Aotearoa, kia hohoro ta kou tou whakarongo me ta koutou whakarite i nga whakaako a te manu meroiti nei. Tera tetahi pukapuka whakaako mo nga tangata Maori kua tuhia e Te Popi (Mr. J. H. Pope), te Kai tirotiro o nga Kura Maori, e hara i te hanga te pai ! te marama o nga ako i roto i taua pukapuka, he mea tika rawa kia hokoa e koutou taua pukapuka, kia kite ai koutou i nga whakaaro o te Pakeha e nui haere ai nga tangata Maori o tenei whenua ataahua.

Ko nga rongo o te ao mo te raruraru a Ruhia raua ko Ingarangi, he penei me te takaro a nga tamariki, penei nga kupu: "ngaro waawaa, ngaro wiwi kei kitea koe." Kua tae mai nga rongo i runga i te whaikorero a Roore R. Hahihira (Lord Randolph Churchhill), te Hekeretari mo te Kawanatanga o Inia, e mea ana. kua rite nga tautohe a Ruhia raua ko Ingarangi mo nga rohe o tera whenua o Awhekanitana, mehemea e tika ana tenei, ka mau te rongo, otira ahakoa kua puta enei kupu, tenei tatou nga tangata o waho te titiro tupato atu nei, e wehi ana tatou kua kumea kia kapi nga rewha o nga kanohi o Ingarangi, notemea kua kite tatou i nga korero he mea patu mai ki te waea i Ranana i te 6 o ra o te marama nei, e mea ana. No te 14 o Akuhata i haere atu ai nga Ruhiana ki tetahi taone noho ai e karangatia ana ko Hamau-i-Pehi (Chamau-i-Bai)d, he mea kokiri e nga hoia eke hoiho o nga Ruhiana, arumia ana nga Awhekanitana, riro ana taua taone i nga Ruhiana; kia tatou ehara tenei i te rongomau.

Waiho atu tenei raruraru, a ka titiro ai tatou ki nga Tiamani, e kite ano, kua timata ta ratou mahi ahua nanakia, ko nga moutere e karangatia ano ko Karoraina (Caroline Islands), i kiia kei raro i te mana o nga Paniora, kua nohoia e nga Tiamani me te kara o to ratou iwi kua whakatarea ki runga i te pou. I te taenga o nga rongo ki Peina ara ki Matarita (Madrid), te taone kawanatanga o Peina, i haere nga Paniora ki te whare o te Tumuaki o Tiamani, kumea ana te kara me nga raweke whakamana o Tiamani ki raro; he nui noa atu te whakatakariri o nga Paniora ki te mahi pokanoa a Tiamani ki aua moutere. Ko Pihimaaka (Bismarck) te Tumuaki o te Kawatanga o Tiamani i mea, me whakariterite taua tautohe kia kitea ko wai i tika, otira kihai