TE KORIMAKO

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 51.]

AKARANA, APERIRA 16, 1886.

[TE 1: TU, 6D.

No te 25 o nga ra o Maehe, ka mate a HENI MATEKINO, I timata tona mahi-whakapau i tona kaha ki te whakawhanau i tona tamaiti i te 5 o nga haora o te ahiahi, a e rua tekau meneti te paahitanga o taua 5, ka whanau te tamaiti, a 10 meneti e takoto ana te tamaiti i waho, ka tangohia whakareretia atu tona wairua ki to rangi, ngaro tonu atu Kanui to matou pouri ki te take i penei ai tona matenga, notemea kua maha noa atu ana tamariki i mua atu o tenei whanautanga, - [Na Pekama Tuhaia i tuku mai.]

No te 3 o Aperira, ka mate a HAMI HETARAKA ki Peiwhairangi. He tamaiti rangatira ia no roto i ona iwi. Kua mahue tenei ao, kua whiti atu i te mate ki te ora. - [Na Rev. Rupene Paerata i tuku mai.]

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this Paper are ta be addressed to "TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tokua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tohituhi nga korero ki te taha kotahi o te pukapuka.

PANUITANGA.

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMARO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

TE KORIMAKO

*

"Kei te Atua to tatou piringa."

AKARANA, APERIRA 16, 1886.

Ko nga rongo pakanga, tenei ano te ara ake nei. I tera KORIMAKO i ahua pai nga rongo o Oropi, otira inaianei, e taumarumaru ana nga kapua o te pakanga ki runga i nga keokeonga o ia waahi o ia waahi.

Ko tetahi o nga putake-nui, ko Piriniha Arekahanara o Purukeria, e tohe ana kia whaimana tona ingoa kiingi mo te roanga o tona oranga, ko Ruhia e kii ana, kia rima anake tau e whaimana ai ia ki taua whenua, ka pehea ranei te tukunga iho ?

Waihoki ko tera iwi ko nga Kariki e whakaemi ana i a ratou ope-hoia ki nga rohe o Taakei he nui noa atu ta ratou mahi mo runga i te kimi i nga taonga e ahei ai ratou te whakawehi i nga iwi e ungutu ana kia ratou, notemea e whakakake rawa ana ratou. Kua tuhi atu nga mananui o Oropi ki taua iwi i tetahi pukapuka whakatupato kia ratou, mo nga raruraru o tera whenua o Roumeria. Notemea e tohe ana taua iwi mo ratou taua whenua. Ko nga kupu o taua pukapuka, e tino tohe ana kia whakamutua ta ratou mahi, kia whakarerea o ratou whakaaro e ahu nei i runga i te huarahi o te pakanga.

Kua tae mai hoki nga rongo o Awherika ki te Hauauru, e kii ana, kua pu-repotia te taone e karangatia ana ko Pamupa, i tangohia mai i honoa atu e Tiamani ki etahi atu whenua o ratou i reira, otira ko nga tangata-Maori o taua takiwa e kore rawa e pai kia haere mai ratou ki raro i te mana o nga Tiamani me to ratou kiingi.

Tenei ano hoki nga Wiwi me nga Tiamani kei te noho puhaehae, e ai e kore e roa ka puta ano te whawhai kia raua.

Tera ano hoki kei te tautohe a Wiwi raua ko Ingarangi mo nga motu to tatou moana, e

Te Korimako

He Nupepa whakaatu i nga tikanga o te Whakapono nga Rongo o te Ao katoa, me era atu mea.

NAMA 52.]

AKARANA, MEI 17, 1886.

[TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me taku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to " TE KORIMAKO,

Box 270 Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhi-mai kaua e tukua mai he hiriwa he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro

atu i a ia tetahi wahi o te moni. Erangi me tuku mai i te panekuini I te nooti, i te tieki i te moni-oata-waea ranei.

PANUITANGA.

Ko te mea tika rawa me whakarite e nga kaitautoko he Pakeha e mohio ana koutou i o koutou takiwa hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa kaua, a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhi-tuhi, kia pai te wehewehe o nga kupu Me tuhituhi nga korero ki te taha kotahi o te pukapuka

Te Korimako

"Kei te Atua to tatou piringa."

AKARANA MEl 17, 1886.

TERA tetahi whakatauki: - " Ko te wa me te tai e kore e tatari ki a wai ranei ki a wai ranei." E ahu mai ana nga rongo o tawahi, puranga iho puranga iho. Heoi, ko nga rongo nui anake e ahei te whakauru atu ki nga parirau o ta koutou manu, notemea he manu iti.

I korerotia atu i tera nama o TE KORIMAKO, kei te whakaemi nga Kariki i a ratou ope-hoia ki nga rohe o Taakei. I muri mai o tena, i tae atu ano tetahi pukapuka a nga kingitanga-nunui kia whakamutua ta ratou tautohe ki te huarahi e tupu ai te pakanga. Otira nohea ratou e whakarongo ki nga mana-kaha o Oropi. Kati ano nga iwi kihai i uru ki te whakatupato i nga Kariki, ko Ruhia raua ko Wiwi. E ai te kii, ko aua iwi e rua Lei te whakapakeke i nga Kariki, mehemea e pono aua taua kupu kia rahi te whawhai apopo! Kua rere nga manuao o Ingarangi, o Tiamani, o Ataria, o Itari, me Taakei, ki te arai i nga tini kokorutanga o nga Kariki, kia kaua ai he putanga ki waho, kia kaua ai he tapokoranga ki roto o nga tini kaipuke e rere atu ana e rere mai ana e rere mai ana ki te kawe taonga ki aua kaainga. Ko nga Kaiwhakahaere a ia iwi a ia iwi e noho ana ki Atene te taone-nui o nga Kariki, kua maunu kua whakarerea taua kaainga he tohu tera kia tukua nga kuri o te pakanga kia rapua te hoa-riri ki te hea waahi ranei ki te hea waahi ranei. Kahore nga manuao a Wiwi rana ko Ruhia i uru ki tenei arainga, waihoki, ko o raua Kaiwhakahaere e rua, kei te noho tonu i taua taone He tohu tera e ahua awhina ana raua i nga Kariki, akuanei, e kore e roa kua tutuu te puehu. Ma runga i to kore moni a nga Kariki e kore ai e ara tenei pakanga, erangi, mehemea ki te awhinatia e Wiwi rarua ko Ruhia katahi pea ka ara. Ko Wiwi e puhaehae aua kia Tiamani mo to ratou matenga i ta raua pakanganui i te tau 1870. Waihoki me Ruhia, e ahua tinihanga ana i runga i to ratou hiahia kia riro atu etahi waahi o Taakei ki roto i nga rohe o Ruhia.