Te Korimako.

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 56.] AKARANA, NOWEMA 19, 1886. [TE UTU, 6D.

MATENGA TANGATA.

No te Taite, te 14 o nga ra o Hepetema, ka mate ki Peria Mangnui, a HAMI HONE TE KARU, i te 21 ona tau. He tamaiti rangatira no te Paatu, o Ngapuhi. Ko ona matua he matua whaimana no roto i tona hupu i a te Paatu. I hui katoa mai ona hapu ki te uhunga i a ia, e toru rawa nga ra i uhungatia ai ia e ona iwi, ka nehua ia ki Peria Rev. Renata W. Tangata, a na tona tuakana na te Rapuhana Ngatai i maka te oneone ki te poka i te mea e nehua ana, a kanui te aroha o ona whanaunga me te iwi katoa i te mea o whakuhekea ana te kawhepa ki roto ki te poka. Ko te ahua tenei o nga tupapaku katoa o te ao i hanga nei o te Atua, e whakahekea ana ki te oneone, pera me tana kupu tuatahi i kii ai kia Arama raua ko Iwi: - "He nehu hoki koe, a kia hoki ano koe hei nehu. Ko tenei taitama, no te tau 1876, ka tomo ia ki te kura a te Kepa (Mr. Capper), i Peria, a i u tonu ia ki taua kura, tao noa ki tona paahitanga i te Taneta Tuawha i te uiuinga-matauranga, katahi ia ka takua ako ki te Kura i Tipene, Panaera, Akarana. E rua ope tau o kura ana, ka uru ia ki te mahi hu-meke, ki tera mahi a te ringa Pakeha e ora ai e whiwhi ai te tangata ki tetahi oranga mona. He nui atu te whakapai o ona rangatira ki a ia, notomea he nui rawa atu te pai o tana mahi me te tere o tona mohio ki te mahi i hiahiatia e tona ngakau. E rua ona tau o mahi ana, ka paangia e te mate, ko te hokinga ki te kaainga, a kotahi marama o noho ana i te kaainga ka tukua atu ia ki te ringa kaha o tona Ariki i te waahi ngaro. I mua i tona matenga, ka inoi ia ki te Atua: - "E te Atua tenei toku wairua tangohia atu ki a koe i tenei haora," a ka mutu, katahi ka tukua atu tona wairua, ko te moenga i moe ai i runga i te moengaroa. He nui rawa te pouri o one whanaunga, me te aroha hoki o ona hoa e noho nei i Tipene, Penaera.

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua, ana. mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

PANUITANGA.

HE whakamahara tenei ki nga hoatuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

PANUI KI NGA KAI-TAUTOKO.

Ko te utu mo TE KORIMAKO inaianei, e wha tereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to "TE KORIMAKO, Box 270, Post Office, Auckland."

Te Korimako

"Keite te Atua to tatou piringa."

AKARANA, NOWEMA 19, 1886.

HE whakatauki tenei hei whakaaroaro ma tatou: - "Ko te tangata e ngaki ana i tona oneone, ka maakona i te taro, te tingata e whai ana i te wairangi, kanuf tona rawakore."

Ko te wa tenei e tahuri ai nga tangata katoa ki te mahi oranga mo ratou. E kii ana hoki tera o nga whakatauki: - "Ko te wa me te tai e kore e tatari ki a wai ranei." E kite ana tatou ko nga tini mea o te whenua me tenei aowhaanui, e mahi ana i a ratou nei mahi. Ko te tarutaru e pihi ake ana i te whenua, ko nga puawai e whakaari ana i o ratou ahua e miharo ai nga kanohi e parekareka ai e- rongo ai tatou i te kakara e ahu mai ana i o ratou pua. Ko nga rakau e whakao mai ana me o ratou pua he karere ena no nga hua e ora ai te tangata. Ko te kowhai hoki me ana puawai e kii mai ana kia tatou, kia kaha te ngaki i te oneone, whakatokia o riwai, ruia nga purapura. Ko nga mea katoa e tupu ana i te kaainga e nohoia nei e tatou, kii ana ko te pinangakitanga tenei, kia kaha! kia kaha! kei mahue koutou i te ururua o te mangeretanga.

Kua kite ano tatou, kua puta mai ano ta tatou manu i tona kaainga i tawhiti, e penei ana tona tangi "Pi-pi pipi-wharau roa; kui-kui a rau roa." Ko tona waiata kua whakaurua ki tenei nama o TE KORIMAKO, he