TE KORIMAKO.

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 57] AKARANA, NOWEMA 20, 1886 [TE UTU, 6D.

MATENGA TANGATA.

No te 24 o nga ra o Hepetema, 1886, ka mate ki Waiharakeke, a MATEKOHI, he wahine rangatira no tenei moana no Hauraki, he nui te pouri me te memae ona twi ki a ia, No te 1 o nga ra o Oketopa i nehua ai tona tinana ki Matamata. - No. Ngaroma Pukutaia i tuku mai.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to " TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA,

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tohituhi nga korero ki te taha kotahi o te pukapuka.

PANUITANGA.

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

TE KORIMAKO.

"Kei te Atua to tatou piringa."

AKARANA, NOWEMA 20, 1886.

E Kll ana te whakatauki, "Ka tangi te pipiwharauroa kua tata ki te raumati." Kua pahure nga ra o te hotoke, nga ra o te maka riri, nga ra i titiro mokemoke atu ai o tatou kanohi ki nga rakau, ki nga putiputi, me nga otaota. I hipokina ai tatou e nga kapua-hinaki-pouri o te rangi, e nga hau-kino a Takurua A inaianei, mea ake ka tae ki te wa o te raumati, e koa ai e hari ai o tatou ngakau, e titiro whakamiharo atu ai tatou ki nga tini rakau me o ratou rau e oreore ana i te hau - ki nga putiputi me o ratou puawai o ia ahua o ia ahua e titiro-anga atu ana ki te rangi i runga i te whakawhetai nui ki a Ia, ki te Kaihanga ki te Kaihomai i te tomairangi, i te hau-pai, i nga hihi-kanapa o te ra, i whakamanamana ai ratou i runga i te kororiatanga - ki nga tini manu o te moana o te tuawhenua e rongo ai tatou i a ratou e waiata ana, i nga rangi e parekareka ai ki o tatou ngakau Ko te wa tenei hei karangatanga ake kia tatou, "Kia kaha a ia tangata a ia tangata ki ana mahi ki ana mahi" E koe e te kaingaki-whenua, kia ata titiro i au maara me nga kararehe i roto i au taiepa, ata tirohia te ahua o te oneone me te momonatanga e tupu ai nga kai, me nga otaota e ora ai o kararehe E koe e te kaituhi, whakaemia mai, whakarapopototia mai nga whakaaro e ahu mai ana i nga waahi o te whenua, kia mohio ai tatou katoa ki nga rerenga o nga whakaaro me nga mahi e kitea ana i te ao.

Kahore he rongo-korero mai o tawahi hei korerotanga atu maku kia koutou, kati ano, ko nga mahi tinihanga o Ruhia ki tera whenua ki Purukeria, tenei a Ruhia te rapu nei i nga huarahi kia karangatia ai, ko ia te Kingitanga nui o te ao katoa. A i runga i enei whakahaere a taua iwi, ko nga kingitanga o te ao katoa kei te noho mataara tonu, kei uru ratou ki roto ki te kupenga a Ruhia. E kii ana tena iwi tena iwi. e kore a ia e pai kia