TE KORIMAKO

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 59.]

AKARANA, HANUERE 20, 1887.

[TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this Paper are to be addressed to "TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tokua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhi-mai kaua e tukua mai he hiriwa, he koura ranei ki roto i a koutou reta anga mai ki TE KORIMARO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

PANUITANGA

Ko te mea tika rawa whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i koutou takiwa, kaua a koutou nupepa e hoatu ki tetahi tangata. Ko nga rata me nga panui katoa e tukua ana mai kia taia ki TE KORIMAKO, kia marama te tuhi-tuhi, kia pai te whewehe o nga kupu. Me tuhituhi nga korero ki te taha kotahi o te pukapuka.

TE KORIMAKO

"Kei te Atua to tatou piringa."

AKARANA, HANUERE 20, 1887.

TENEI tetahi o nga kii o taua Ruanuku a Hormona, ko te timatanga o te totohe, ano he tangata e tuku ena i te wai kia rere: - "Na whakarerea atu te ngangare i te mea kahore ano koe kia uru noa "Ko tana raru i korerotia i era o nga KORIMAKO ki Purukeria kahore ano kia tau tika, tohe ena a Ruhia kia whakaturia e ia tetahi piriniha he kingi mo taua whenua ahakoa ka tohe tonu a Ruhia kia puta tona whakaaro, kahore taua iwi (ara nga Purukeriana e pai, inaianei kua tu ratou, ano he tangata kotahi ki te karo i na patu a Ruhia ko te kapua o te pakanga e noho taumarumaru ena i nga keokeonga katoa o Oropi. Ko Ruhia e whakaemi ena i ena ope hoia ki nga rohe katoa kia patata ki nga hoa riri waihoki ko ona manuao kei te mataara tonu i nga kokoru-tanga o ia wahi o ia wahi me he kahu e rere whakatopa ena ha kitea te kai mona, tena pea e puta te whawhai i tetahi take iti rawa notemea kei te whakatini a Tiamani i ena ope hoia waihoki he maha nga pa hou e hangaa ana, tena anohoki nga rangatira, a Wiwi to arahi i nga whakaaro o tana iwi ki nga huarahi katoa, o te pakanga e noho puhaehae ena tana iwi mo to ratou whenua.

E noho rangimarire ana a Taaki me Ingarangi i tenei wa. Kua puta nga kupu manaaki a te Kingi o Taakei me Kuini Wikitoria mo te tau hou nei, kei te mataara a Ingarangi ki nga wahi katoa o ona tini whenua a e whakaaemi ena i ena turupa ki nga wahi katoa e hiahia ai ia E hangaa mai ena nga manuao hou e whakatakoto ena nga purepo ki ia wahi hei tiaki i ena tamariki ka pehea ranei te tukunga iho.

E kii ena ina ka tae ki te raumati ki Oropi e puta pea te pakanga. Otira kia mahara tatou ki enei kupu a te Atua: -

"Naku nga kingi i kingi ai, naku nga rangatira i whakatakoto ai i te tika. Naku i whai rangatiratanga ai nga rangatira, nga tangata nunui nga kai whakarite whakawa katoa o te whenua." Katahi te marama i puta