Te Korimako.

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 60.] AKARANA, PEPUERE 22, 1887. [TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL Communications to this paper are to be addressed to "TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whaka-atu mai kia tukua atu ano tetahi.

PANUITANGA.

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

PANUITANGA.

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako.

"Kei te Atua to tatou piringa."

AKARANA, PEPUERE 22,1887.

I PENEI nga kupu i tera KORIMAKO mo te whawhai i kiia meake ka huaki:-"Naku nga kingi i kingi ai, naku nga rangatira i whakatakoto ai i te tika. Naku i whai rangatiratanga ai nga rangatira, nga tangata nunui nga kai-whakarite whakawa katoa o te whenua." Waihoki kia tangohia e tatou nga kupu a Horomona hei whakaaro ma tatou hei ako i o tatou ngakau:- "Ma te kupu ngawari, e kaupare atu te whakatakariri, ma te kupu whakapouri ano e whakaoho te riri. He pai ta te arero o te hunga whakaaro nui whakahaere i te matauranga: he wairangi ano hoki te whakapuakina mai ana e te mangai o te hunga kuare. " Ko enei kupu ngawari i kitea i te whiriwhiringa o te Komiti i te Waipatu i ta ratou whakawa i nga tangata i whakapaea he hunga makutu, tau tika ana ta ratou whakatau kia tukua aua tangata kia kaua e whaka-mamaetia, notemea kua mohio taua Komiti he horihori te makutu, i pena nga whakaaro o nga Pakeha me nga whakaaro o nga Maori i nga tau kua mahue ake nei, i naianei kua tae mai te mohiotanga me te matauranga a kua kitea e te Pakeha i tona mahi kuare me te Maori hoki o kite ana i te korero teka o o ratou tohunga mo enei mahi nukarau i tu wehi ai te hunga kuare. Na kua kite ano tatou i te mahi kuare o nga tangata i kohurutia ai a Nuku me tona wahine ki Turanga, aianei aua tangata kohuru ka rongo i te ha o te ture, he wairangi taua hunga na te ahua. Waahi iti ano ka mate a Tango i Kaipara mo te whakapae makutu, notemea i hemo oho whakarere he rangatira Maori ko Toko te ingoa, me kaua te Pakeha kua maruu a Tango i te mahi o nga kuare. Ki a mohio koutou he maha nga Pakeha e hemo whakarere ana a kitea ana e nga taakuta nga take, ko te mea nui ko te ngakau e pau haere ana i tona mahi nui i ia ra i ia ra, a ka rahirahi rawa te kiko, penei ka oho whakarere ka tapapa ranei, tena pea taua kiko kua rahirahi ka pakaru pena ka mate tonu iho te tangata, heoi