TE KORIMAKO.

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

AKARANA, AKUHATA 22, 1887.

NAMA 66.]

[TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to " TE KORIMAKO, Box 270, Post Office, Auckland."

PANUITANGA.

Ko nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

PANUITANGA.

Ko te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te KORIMAKO,

" Kei te Atua to tatou piringa. "

AKARANA, AKUHATA 22, 1887.

TENEI etahi kupu na Horomona. E penei ana tona kii, "I kit ano e ahau tenei whakaaro nui i raro i te ra, a he mea nui ano ia ki a au: He pa iti, he torutoru ano nga tangata i roto; heoi, te haerenga mai o tetahi kingi nui ki reira whakapaea ana e ia, hanga ana e ia tetahi pourewa nui hei tatau atu ki reira. [...] kua kitea tetahi tangata rawa kore i roto, he nui nei ana whakaaro, a nana, na ana whakaaronui i ora ai te pa heoi kihai tetahi tangata i mahara ki taua tangata rawa-kore. Na ko taku kianga ake. E ngari rawa te whakaaronui i te kaha, heoi whakahaweatia iho nga whakaaro nui o te rawakore kihai hoki ana kupu i whakarangona." Kimihia e koutou nga hua o roto o enei kupu ko nga take o nga whakaaro ka whakaaria nei ko nga kai mo TE KORIMAKO kua katia e te Kawanatanga rareira i mihi ai te Manu nei ki to ratou rawakore me kore ranei tetahi o koutou e kite i te huarahi e ora tonu ai ta koutou mokai, notemea ko ia anake te Manu e rere ana ki o koutou kaainga, ki o koutou marae. E kore ranei tetahi o koutou e kite i te ara e ora ai to koutou Manu ? E kore taua tangata e whakahawea e nga tangata o Aotearoa me Te Waipounamu, mehemea ka taea e ia nga hua e ora ai TE KORIMAKO. Kapua e nga tangata o te taha whakararo timata mai i Parengarenga miri haere mai ki Akarana nei. Kimihia e koutou nga tangata o te Waipounamu, tuku atu o koutou whakaaro ki nga tini awa, ki nga tini mania, e tau nei te Kopaopao. Ma o koutou mema tenei mahi, ma a koutou minita i ia wahi i ia wahi, e tohe [...] ki o ratou. akonga kia kohia [...] akaramu, kia ki ai te poho o te Manu meake ka hemo i te kore oranga, he mea pai kia whakaturia e koutou i tenei wahi i tena wahi he tangata hei tautoko-hei kimi i nga tangata e hiahia ana ki nga Harirau o te Manu nei. I kiia ko te Manu tangi pai tenei o nga manu katoa i Niu Tireni; i te orokotaenga mai o te Pakeha, i parekareka mai te waiata o taua Manu ki nga tini taringa i