TE KOROMAKO

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

PANUI KI NGA KAI-TAUTOKO.

KO te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to " TE KORIMAKO, Box 270, Post Office, Auckland."

PANUITANGA.

KO nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

PANUITANGA.

KO te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako

"Kei te Atua to tatou piringa."

AKARANA, NOWEMA 18, 1887.

TENEI etahi kupu no taua puna o te mohiotanga i waiho iho ma tatou e whiriwhiri, e penei ana, " Whakatakaa atu o mahi ki runga ki a Ihowa a ka whakapumautia au whakaaro." I te marama o Oketopa i whakahaerea i TE KORIMAKO te mahi pokanoa a nga Tiamani ki taua motu i karangatia ko Hamoa. Kahore he kupu hei whakangawariwari i te mahi nanakia o aua Tiamani mo to ratou whakahoro i te Kawanatanga o taua motu, tenei pea, ma Amerika me Ingarangi te tikanga e mutu ai te hereheretanga o Kingi Mareitoa, tenei te ao nei te titiro ki te manawanui o taua iwi Maori kua takahia nei nga urupa me nga mea tapu o a ratou tupuna e nga Tiamani.

Ko aua tangata o Hamoa, kua whakatakaa atu o ratou mahi ki runga ki a Ihowa a mareira ka whakapumatua a ratou whakaaro. Tenei.

Kua whakamoemiti nga Pakeha mo nga kupu a Hoani Taipua i to tatou Paremete, he mema i to tatou Paremete mo te Taha Maori, tenei taua tangata te mihi nei ki taua iwi kua takahia kinotia e nga Tiamani.

E kite ano tatou " Ki te paingia e Ihowa nga ara o te tangata, ka meinga e ia ko ona hoa riri nei ano kia mau te rongo ki a ia." Me waiho iho tenei kia tae mai ano nga rongo i tawahi koreira tatou ka kite i te pono o nga whakaaro kua whakaaria nei.

Ka tahuri ano tatou ki nga mahi o tawahi. Mawai e whakaaro nga tini tikanga o nga Kawanatanga o te ao. Tenei a Ingarangi te raru nei ki ana tini tangata e noho mahi kore ana me te mate kai, waihoki tenei taua iwi te Airihi te noho hangai atu ki te Kawanatanga o Ingarangi tena na parekura a nga pirihimana ki taua iwi, hono tonu te tu i ia wa i ia wa, heke ana nga roimata mo nga tangata e kaiakikotia e mate ana i taua mahi, ahea ranei mutu ai.

Waiho iho a Ingarangi ka titire ano tatou ki nga tini iwi o Oropi e noho mataara tonu ana tetahi ki tetahi. Tenei a Ruhia te whakaemi i ana tini ope hoia ki nga rohe katoa o Inia, o Ateria, o