Te Korimako

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 70.]

AKARANA, TIHEMA 20, 1887.

[TE UTU, 6D.

PANUI KI NGA KAI-TAUTOKO

KO te utu mo TE KORIMAKO inainei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of tE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

KO nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALLcommunications to this paper are to be addressed to "TE KORIMAKO, Box 270, Post Office, Auckland."

PANUITANGA

KO nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

PANUITANGA

KO te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako.

"Kei te Atua to te tatou piringa."

AKARANA, TIHEMA 20, 1887.

ME whakaaroaro ano tatou ki tenei kii a Horomona. Engari te ingoa pai e whiriwhiria rawatia, i nga taonga nui, me te manokohanga pai i te hiriwa, i te koura, me timata to tatou titiro ki o tatou mema i te taha Maori kua aro atu o tatou kanohi i runga i te mataara ki a ratou, notemea i awangawanga te nuinga ka pehea ranei te huarahi e whiriwhiri ai ratou, inaianei kua tatuu a tatou whakaaro notemea e kite ana tatou i whai tara ano ratou ki te whakahoki kupu ki te whakaminenga nui, i runga ano te reorangatira me te manawanui, kakati ana i etahi wa nga kupu o te Pakeha otira kihai i ngoto aua kupu notemea i karohia aua korero ahua whakatoi e etahi o nga mema Maori i runga i te tika me te mohiotanga a miharo ana te taha Pakeha ki te ahua koi o nga kupu whakahoki atu, pirata ana aua korero i te mohiotanga me te matauranga i whakapuakina e ratou i runga i te reo-Pakeha me te reo-Maori kua whakamoemiti te ao katoa ki a tatou mema o te Taha-Maori nareira i tika ai tenei kii a Horomona ki a ratou. Engari te ingoa pai e whiriwhiria rawatia i nga taonga nui, me te manokohanga pai i te hiriwa i te koura.

Tenei te noho taumarumaru nga kapua whakaweti o te whawhai ki nga rohe o Ateria me nga wahi katoa i tuhono ai nga whenua o Ruhia ki nga iwi ke. Tenei te ao katoa te mea kia pewhea te roa kia pewhea te roa o te taima e puta mai ai nga kuri o te whawhai. Kua penei atu nga iwi ki a Ruhia he mahi aha tau e whakaemi nei koe i o ope hoia ki nga rohe o o matou whenua? Mehemea ka tohe tonu koe ka tahuri hangai atu matou ki a koe e tika ano tena u a nga iwi, otira tera ano te Runga Rawa kei te mataara ki nga tini iwi, a e penei ana tona kii.

Naku nga Kingi i kingi ai, naku nga rangatira i whakatakoto ai i te tika. Naku i whai rangatiratanga ai nga rangatira, nga tangata nunui nga kai-whakarite whakawa katoa o te whenua. Me waiho iho e tatou te