Te Korimako

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 74.]

AKARANA, APERIRA 16, 1888.

[TE UTU, 6D.

PANUI KI NGA KAI-TAUTOKO.

Ko te utu mo TE KORIMAKO inaianei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of TE KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALL communications to this paper are to be addressed to " TE KORIMAKO, Box 270, Post Office, Auckland."

PANUITANGA.

KO nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA.

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te monioata-waea ranei.

PANUITANGA.

KO te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tekua ana mai kia taia ki TE KORIMAKO, kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako.

"Kei te Atua to tatou piringa."

AKARANA, APERIRA 16, 1888.

MEHEMEA ka titiro atu tatou ki nga kapua o te pakanga e noho taumarumaru ana i runga i nga keokeonga o Oropi ka kitea pea inaianei e ahu memeha ana, ina kua ahua ngawariwari a Ruhia ki taua kaainga e karangatia ana ko Purukearia, e tohe ana taua ruanuku kia mahuetia taua rangatiratanga e te kingi i whakaturia e taua iwi. Ko te kii tuturu o Ruhia mehemea ka kowhiria e ratou tetahi tangata e hara i te Katorika ka pai noa iho ia, kowai ranei, kowai ranei. Otira e iti ana te whakapono a nga iwi ki nga kii o taua Emepera, " Ma nga hua ka kitea ai te ahua o te rakau," he mea pai he mea kino ranei.

Erangi i tera KORIMAKO i whakahaerea nga korero mo te matenga me te tanumanga o te Emepara o Tiamani. Inaianei kua tu tana tamaiti he Emepera he whanaunga ano tenei Emepara kia Kuini Wikitoria, he hunaonga, i marenatia e ia te tamahine matamua o to tatou Kuini, he maha nga tamariki ona he mokapuna aua tamariki kia Kuini Wikitoria ko to raua tamaiti matamua kua kaumatua a i tu ano ia he riwhi mo te Kawanatanga i te wa e noho mate ana tona Paapa ki te whare. he turoro taua Emepara te hunaonga o to tatou Kuini. He korokoro mate tona kua roa te mahinga o taua mate aana he nga taakuta he maha nga rongo o te ora noa o taua Emepara he wa ano ka kii meake ka hemo he mea ano kua matutu te mate o taua turoro, nareira ka awangawanga nga iwi katoa ka pehea ranei ka pehea ranei, notemea e tumanako ana nga tauiwi e kore nga kuri o te pakanga e tukua kia rere. He tangata atamai taua Emepara kahore he pai ki a ia te whawhai ko tana e hari ko te rongomau kia pumau. Erangi ko etahi o nga apiha o te runanga e ahua tohe ana ki te huarahi o te whakatenetene nakonei i pakeke ai te mahi o taua Emepara i te totohe me te hangai tetahi ki tetahi. Kotahi te mea e ngaungau nei ratou ko te hiahia o Kuini Wikitoria me tona tamahine te hoa wahine o te Emepara