Te Korimako

He Nupepa whakaatu i nga tikanga o te Whakapono, nga Rongo o te Ao katoa, me era atu mea.

NAMA 75.]

AKARANA, MEI 16, 1888.

[TE UTU, 6D.

PANUI KI NGA KAI-TAUTOKO

KO te utu mo TE KORIMAKO inainei, e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me tuku tuatahi mai.

NOTICE TO SUBSCRIBERS.

THE price of Te KORIMAKO is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

KO nga pukapuka katoa mo tenei nupepa me penei te tuhi mai ki "TE KORIMAKO, Pouaka 270, Poutapeta, kei Akarana."

NOTICE TO CORRESPONDENTS.

ALLcommunications to this paper are to be addressed to "TE KORIMAKO, Box 270, Post Office, Auckland."

PANUITANGA

KO nga rua hereni (2s.) katoa e tukua mai ana timata mai i muri i te 15 o Hanuere, 1885, ka tukua atu te nupepa mo nga marama e ono. E koutou e nga tangata kahore e tae atu ana a koutou nupepa me whakaatu mai kia tukua atu ano tetahi.

PANUITANGA

HE whakamahara tenei ki nga hoa-tuhimai kaua e tukua mai he hiriwa, he koura ranei ki roto i a koutou reta anga mai ki TE KORIMAKO, notemea ka weeteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te nooti, i te tieki, i te moni-oata-waea ranei.

PANUITANGA

KO te mea tika rawa me whakarite e nga kaitautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO, kia marama te tuhituhi, uhi, kia pai te wehewehe o nga kupu. Me kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako.

"Kei te Atua to tatou piringa."

AKARANA. MEI 16, 1888.

TENEI te noho taumarumaru nga kapua o te pakanga ki nga tini kaainga o Oropi ko te ahua, he mangu kere, e tu wehi ana te nuinga o nga iwi. Waihoki e kii ana a Roori Harepere (Lord Salisbury) e hopohopo ana tona ngakau notemea tenei ia te mea nei meake ano nga Ruhiana ka whakaekea a Purukearia mehemea ka taea tenei e ratou, ko te tukunga iho ka rere atu ratou ki taua kaainga i tino manakohia e ratou i mua iho i mua iho. Ko te kaainga tera i kiia ai he ki herehere tena i nga kaipuki manuao a Ruhia ki te Moana Mangu me era atu moana ahua roto, kei te roa o to ratou whenua puta noa puta noa mo nga mano maero e kiia ranei, na taua kaainga Kanatanatinopera (Constantinople) i araia ai nga tini manuao o Ruhia ko te wahi huarahi putanga mai mo o ratou kaipuke ki te moana nui i rere ai a Paora i nga wa o nga Apotoro, kia riro taua kaainga katahi ka puta nga kaipuke ki waho kei nga Taakei taua pa e kore e taea taua pa i te taha moana mehemea ka pono nga tangata o Taakei erangi mehemea ka ahu mai nga ope o Ruhia ra te tuawhenua i Purukearia tena pea ka taea te whakaekea i taua pa otira he mano he mano nga tangata e mate, ki te mea e puta ratou i taua wahi me o ratou kaipuke ki te moana i rere ai a Paora, e tu ano te whawhai i nga tini kaainga i taua moana, ko nga kaainga o nga Kariki i te taha matau puta noa ki Itari ki nga kaainga i te tonga no Parani tae rawa ki te whenua o nga Paniora mehemea ka rere mai etahi o aua manuao ra te taha maui tena nga kaainga o Ihipa me te pa o Arekehanara rere atu ra te tahataha ko nga tini kaainga o nga Wiwi me nga Arapi puta noa ki te whenua o nga Moa, ara nga Mangumangu o Moraka (Morocco) ano ka tae ratou ki reira ra te taha maui me te taha matau kua tae tahi ano ratou ki te mutunga mai o te Moana a Paora penei e kore rawa ratou e puta mai i te kuititanga o taua moana notemea kei