Te Korimako.

Opotiki, Pepuere 12, 1890

PANUI KI NGA KAI-TAUTOKO.

Ko te utu mo TE KORIMAKO HOU a muri ake nei e wha hereni (4s.) mo te tau. Ko nga moni me matua tuku mai.

NOTICE TO SUBSCRIBERS.

THE price of TE KORIMAKO HOU will be four shillings (4s.) per annum. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai: "Ki TE KORIMAKO HOU Opotiki."

ALL communications to this paper are to be addressed to "TE KORIMAKO HOU, Opotiki."

TE KORIMAKO HOU.

"Kei te Atua te tatou piringa."

PEPUERE 12, 1890.

Ko nga korero mo Hanuere, ara, nga mihi mo te tau hou i tureiti a kua perehitia i tenei marama. E taea koa te aha i te mea he kainga ke i whanau ai te manu nei i ia marama, i ia marama, a, he

kainga ke i paopao ai. Titiro rawa te tino katua, e, kei te he etahi o nga raukura o tana pi. Akua

nei te ahu mai ai te riri o nga tangata i riro ai ana pi. He ahakoa ra kei te rapu tonu i tetahi tikanga e tino tika ai, na reira ko te kupu ano tenei, kia

Ko nga rongo korero ano hoki i penei ano hoki; oti rawa te mahi a te kai perehi katahi ka kitea kua kapea, heoi whakaririka kau ana, tena ano koutou ka kite i aua korero, a, ka hou tonu pea kia koutou, he reta ano hoki i penatia. Ko tetahi ka kite mai koutou i nga korero he ki ta koutou mahara, kaua e utaina kautia te kino ki runga ki te etita, ko nga mea anake nana ake, koira nga mea e utaina ki runga ki a ia. E kore hoki tenei nupepa e whiriwhiri kau i te tika, i te he ranei o nga kupu katoa e tukua mai ana kia perehitia. Engari ma te tangata matau e whakahe. E kore hoki e tae tana aro, ki nga korero katoa e puta mai ana i te tini o nga wahi. Kahore tena mea o taea e te tangata.

Tenei hoki tetahi kupu mo te rangatira o te perehi, kia tere te tuku mai i nga hereni kia tikangatia ai tana mahi. Kei maumau mahi kau, te ai he ponongatanga.

TENEI hoki tetahi kupu mo te tureiti o te pepa nei. Te take, kahore i ata marama te tikanga tuwhatuwha, na, titiro rawa ake kei te paopao tonu te pi kahore ano kia whai parirau. Otiia kua rere haere tenei to Tihema, to Hanuere, kua tae atu pea ki a koutou. Ko te mea e taria nei ko nga ingoa hou hei apiti mo nga maia kua peke mai nei ki te tautoko i tenei mahi hou, me nga hereni hoki hei hoko kai ma to koutou mokai. Tera hoki pea e whai takiwa a mua ake i te mea e whiriwhiria ana te tino kainga e perehitia ai, kia tutata ranei ki te otita, kia tawhiti ranei. Heoi, ra kia manawanui, ka whakaritea marietia o koutou hereni. E kore e tino roa taua whiriwhiringa.

He mihi tenei na to koutou mokai, e te iwi manako mai. He tau hou hoki tenei i runga i te whakahaere tau a te Pakeha. Na, ko te tikanga i reira, i te Kirihimete hoki, he whakaputa i ana manaakitanga, i ana maioha. He kupu kau ta etahi, he penei, "Kia tau nga manaakitanga ki a koe hei haringa tenei Kirihimete, me tenei tau; mau." He kupu na te ngakau aroha, ki ona whanaunga, huanga hoki. Waihoki ka penei atu te manu punua, manu whanau hou nei ki a koutou. "Ko nga mannakitanga katoa o te Kirihimete, o te tau hou ki a tau iho kia koutou; nga manaakitanga ki te tinana, nga manaakitanga ki te wairua." E piki haere ana o tatou tau. Ko etahi o tatou kua kaumatua, ko etahi kua koroheke, ko etahi kei te tamariki tonu. Kua rite nei ki tetahi panga o mua, ara, "he aha te mea, e wha nei ona waeawae i te ata, e rua i te awatea. a i te ahiahi ka hoki ano ka wha?" Kimi noa nga tangata o taua whakatupuranga te kitea e te katoa, na kai nga ana taua iwi kuare e te taniwha nana taua panga, a na tetahi mohio i kite i toe ai te morehu o taua iwi. Ko teutu hoki tenei mo taua panga: - "Ko te tangata, kei te tamarikitanga hoki ka ngoki kua pakeketia ka haere tu, a, ka koroheketia ka ngoki ano."

Ki ta Rawiri ra, "Nga ra o matou tau e whitu tekau tau, a ki te whai kaha ka waru tekau," a ka penei tana inoi . "Akona matou ki te tatau i o matou ra, kia anga ai te ngakau ki te whakaaro." A e pewbea ana a koutou maharahara e koro ma ? Mehemea ka pena me ta Paora, "Kua whawhaitia e au te whawhai pai, kua omakia taku omanga, kua rite i a au te whakapono: ka pai ka rite ano te kupu i muri tata iho. '"Ka rongoatia mai moku te karauna o te tika." Kati, kia pena he mutunga iho ka kore he awangawanga engari he oranga ngakau te takoto mai nei.

Ko ta te kupu tenei. Ko tetahi ritenga i tenei takiwa he tuku hakari, he hoatu i nga mea i whakaaroa ai e te ngakau, e, he mea e hiahiatia ana e tuahangata.

Ko tenei, e aku rangatira, ko te kupu anake e hoatu, e te punua nei, ka katuatia engari pea tena ka taea te tapiri atu tetahi atu arohatanga. ko ta te ngakau e wawata ai. Heoi kia tau te manaakitanga kia koutou. Tenei ano hoki etahi kupu, mo runga i te ahua o te nupepa nei. Kei whakaparahako ki te ahua iti i te putanga tuatahi ra. He mea whanau hou hoki; ka nui haere ona marama, tera e tae ki te tutukitanga, ka pera ano me te mea kua hemo ra. Ko tetahi he ahua tauhou no te etita ki tenei tu mahi; kua taunga ki tana mahi, katahi hoki , ka kite ake ia i nga mea i he ai ia. Na ; reira kia ngawari mai a koutou whakaaro, me a koutou kupu.

Tenei ano tetahi. Kei te mea mai etahi tangata, kahore i ata rite a ratou hereni i tera Korimako. Ae pea, kowai hoki te punua nei ka kite atu. He