KORIMAKO HOU.

HE NUPEPA WHAKAATU I NGA TIKANGA O TE WHAKAPONO, I NGA RONGO O TE AO KATOA, ME ERA ATU MEA.

NAMA 4.

OPOTIKI, MEI 2, 1890.

TE UTU 3D.

PANUI KI NGA KAI-TAUTOKO.

Ko te utu mo TE KORIMAKO HOU e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me matua tuku mai.

NOTICE TO SUBSCRIBERS.

The price of TE KORIMAKO HOU 1s four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki a "TE KORIMAKO HOU, Opotiki."

NOTICE TO CORESPONDENTS

ALL communications to this paper are to be addressed to "TE KORIMAKO HOU, Opotiki."

PANUITANGA.

Ka tukua atu te nupepa mo nga marama e ono mo nga rua hereni (2s.) katoa e tukua mai ana, timata mai i te 1 o Hanuere, 1890. E koutou, e nga tangata kahore e tae atu a koutou nupepa me whakaatu mai kia tukua atu ano tetahi atu.

PANUITANGA.

HE whakamahara tenei, kaua e tukua mai he Hiriwa, he koura ranei ki roto ki a koutou reta mai ki a TE KORIMAKO HOU, notemea ka weiteria e te Poutapeta a ka riro atu i a ia tetahi wahi o te moni. Erangi me tuku mai i te panekuini, i te noti, i te tieki, i te moni-oata ranei.

PANUITANGA.

Ko te mea tika rawa me whakarite e nga kai tautoko, he Pakeha e mohiotia ana e koutou i o koutou takiwa, hei taunga atu mo a koutou nupepa. A me tuhi mai te ingoa o taua Pakeha, kia mohio ai matou, hei tukunga atu mo te nupepa. Me korero ranei e koutou ki nga Poutapeta i o koutou takiwa, kia kaua a koutou nupepa e hoatu ki tetahi tangata ke. Ko nga reta me nga panuitangata e tukua ana mai kia taia ki a TE KORIMAKO HOU kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

TE KORIMAKO HOU.

"Kei te Atua te tatou piringa."

OPOTIKI, MEI 2, 1890.

KAHORE i perehitia te nupepa nei i a Maehe, i warea hoki to koutou manu ki te kimi oranga, tikanga mona. i anga whakarunga, whakararo, tomo ai ki nga whare o nga kai whakahaere tikanga o roto o te iwi Maori, me tana ata mihi marire, me tana kawe i nga kupu i akona ai ia, me kore ranei e tahuri mai aua ruanuku ra, e minamina ki ana korero i kawe atu ai, a kua kitea ano etahi e ahu mai ana, e toko ake ana i nga ritenga i whakapuakina atu. Ina hoki ka mea Te Pihopa o Akarana ka nui tana pai ki taua mahi; me te Pihopa o Waiapu i whakahau ano i nga minita me nga reimana o tana Pihopatanga i te Hui ki Manutukea, kia u te mahara ki te mea hou nei, kia ai he huarahi mo a ratou hamumu. Otiia kahore ano ki a tino kitea te nuinga o nga hua o te ngahere nei, e mea ana te manu nei. E kore ano e oraora nga kumikumi o Hau natangi. Kua pau ranei aua hua i tera Korimako ra, i utaina ranei ki runga ki te Waka Maori, a totohu tonu atu. Heoi kei te tatari atu ano tanei, me te ki ano, Taku ahi tutata taku mata kikoha, taku ahi mamao taku mata kiporo.

I te riri te Ingirihi, te Wiwi, te Hiamana, ki etahi wahi o Awherika i te marama kua huri nei. Te take o ta te Ingirihi he tahuri no tetahi apiha o te Poatuki, ki te patu i tetahi iwi e whakahoa aua ki to Ingirihi, he Makaroro tana iwi. Heoi kua whakaririka te Poatuki kua whakae kia mutu taua mahi pera. Ko ta te Wiwi i te taha ki te hauauru he mea kia mutu te patu herehere a tetahi iwi nanakia, a te Tahomei. Ka mute rana Kingi ka tarere te toto, e tae ana ki te 5000 te tangata e patua ana hei hoa mo taua taniwha ki te po. Na, kei te Wiwi tetahi tikanga ki nga iwi tutata ki reira, a, tera pea e whakaekea ta a iwi, e riro te mana i te Wiwi.

Kua ata tau te Kingi o Hamoa ki tona motu kua mau te rongo ki ona hoa whawhai. Kei te tiakina paitia ia e nga iwi puhaehae ra e te Ingirihi, e te Tiamana, e te Marikena Kua whakahokia ki tana torona.

Kua pakaru tetahi tima nui i te taha whakararo o Poihakene. I eke ki te toka, pakaru katoa te taha, totohu tonu atu. Ahakoa i tere te tuhutuku i nga poti, 145 nga mea i toremi, te tane te wahine, te tamariki. I ora ano, etahi ki nga papa teretere noa. Nga i tangata katoa i runga i taua tima 290. Heinati te aue a taua hunga, i mau hoki te tini o te wahine me te tamariki i te arai o runga reke.

Ko to marama tenei i mate ai a,