TE KORIMAKO HOU.

HE NUPEPA WHAKAATU I NGA TIKANGA O TE WHAKAPONO, I NGA RONGO O TE AO KATOA, ME ERA ATU MEA.

NAMA 6.

OPOTIKI, HURAE 4, 1890.

[TE UTU, 3D.

PANUI KI NGA KAI-TAUTOKO.

Ko te utu mo TE KORIMAKO HOU e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me matua tuku mai.

NOTICE TO SUBSCRIBERS.

THE price of TE KORIMAKO HOU is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO HOU, Opotiki."

NOTICE TO CORRESPONDENTS.

ALL communications to this paper are to be addressed to "TE KORIMAKO HOU, Opotiki."

PANUITANGA.

KA tukua atu te nupepa mo nga marama e ono mo nga rua hereni (2s.) katoa e tukua mai ana, timata mai i te 1 o Hanuere, 1890. E koutou, e nga tangata kahore e tae atu ana a koutou nupepa me whakaatu mai kia tukua atu ano tetahi atu.

PANUITANGA.

HE whakamahara tenei, kaua e tukua mai he Hiriwa, he koura ranei ki roto ki a koutou reta mai ki a TE KORIMAKO HOU, notemea ka weiteria e te Poutapeta a ka riro atu i a ia tetahi wahi o te moni. Enrangi me tuku mai i te panekuini, i te noti, i te tieki, i te moni-oata ranei.

PANUITANGA.

KO te mea tika rawa me whakarite e nga kai tautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO HOU kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako Hou.

"Kei te Atua te tatou piringa."

"Kia aroho koe ki tou hoa tata ano ko koe." E patai ana etahi tangata; e rite ranei tenei kupu i te tangata? Ki te tangata kaha te whakapono ka rite, ki te tangata whakaponokore, ka aroha ki te tangata aroha ki a ia, ka riri ki te tangata riri ki a ia. Inahoki nga te aha na kai kawe o te Rongo pai o mua iho i whakamomori kau ai i runga i ta ratou mahi ? Ki ta Paora koia ra te mea e tika ai nga mahi pai katoa. Etahi hoki o aua kai kauwhau mate tonu atu i te tangata i arohaina ra. Ara, a Te Pihopa Patihana i haua iho i nga motu Wahu, i Nukapu; a Te Wakana taronatia ake i Opotiki, me te tini noaiho o te hunga mona nei te ki, "i patua mo te whakapono."

Tenei tetahi mahi e tino kitea ai te nui o te aroha, kei nga mahi ki nga repera. He tino mate kino rawa tera, he pera me te mate ngerengere, engari kino rawa atu. Ka pangia te tangata i runga i to mua tikanga ka panaa atu ia ki tetahi wahi kei noho ai, me tana karanga tonu ia, "he poke, he poke" kei tata te tangata ki a ia, kei pangia hoki. Hei aha, he nui ano nga tangata e aroha aho ki aua tuwhenua, e pau haere ra te kiri te kai e te mate, pirau atu te kiri, te kiko, te wheua, mau ana te wehi ki te matakina atu, e kore e mohiotia he tangata.

He ahakoa hei aha ki nga hawenga a te aroha. Haere ana te ngakau nui ki reira ki nga wahi motuke mahi ai; whakaahuru ai. Kei nga wahi maha noa atu o te ao taua mate e mau mai nei. Tetahi wahi ko te motu ra ko Hawai ki to ratou reo, ko Hawaiki pea ki to tatou, inahoki he tua reo Maori te reo o taua iwi, ara, te maunga he mauna, roa he koa. Ko tetahi tangata i arohaina ai taua iwi he pirihi no Peretiam (Belgium,) muri atu ka haere ano tetahi atu hei hoa mona. Kua oti tetahi moutere te whakarite mo aua repera, a, noho tahi ana ia i reira. Ko Marokai taua moutere. Nga repera 1,150, he mea whangai tonu e to reira kawanatanga i ia ra, i ia ra. Ko nga tau e noho ai te repera ki reira, he mea ano ka tae ki te kotahi tekau nga tau, he mea ano ka rima ka mate. E toru whakapaparanga pera i mahia e tau pirihi na ka pangia hoki ia e taua mate, ahakoa tupato noa ia, nowhea e taea te karo tera wero. Ko te korero tenei a tona hoa: - "Kua pau nga taringa, te ihu, nga karu, te korokoro, nga ringaringa, me te manawa i taua mate. Nui atu tona mamae. Kua rereke te ahua. Takoto kau ana i runga i tona moenga okeoke kau ana. Ki te ki a te tangata he whakamomori tonu te noho tahi me nga repera; kia pangia ra ano e te mate te tino mohiotia ai he whakamomori."

Mea ana ano taua pirihi ma nga rata ia e whakaae katahi ia ka tukua ki etahi atu motu, he ahakoa e ai tana, kahore ana hiahia kia haere. He aroha ki tana kahui.

He pera ano hoki te mahi a, etahi atu Mihinare i Inia, i Haina, he hohipera pera hoki kei aua whenua. Ko-