TE KORIMAKO HOU.

HE NUPEPA WHAKAATU I NGA TIKANGA O TE WHAKAPONO, I NGA RONGO O TE AO KATOA, ME ERA ATU MEA.

NAMA 7.

OPOTIKI, AKUHATA 8, 1890.

[TE UTU, 8D.

PANUI KI NGA KAI-TAUTOKO.

Ko te utu mo TE KORIMAKO HOU e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me matua tuku mai.

NOTICE TO SUBSCRIBERS.

THE price of TE KORIMAKO HOU is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO HOU, Opotiki."

NOTICE TO CORRESPONDENTS.

ALL communications to this paper are to be addressed to "TE KORIMAKO HOU, Opotiki."

PANUITANGA.

KA tukua atu te nupepa mo nga marama e ono mo nga rua hereni (2s.) katoa e tukua mai ana, timata mai i te 1 o Hanuere, 1890. E koutou, e nga tangata kahore e tae atu ana a koutou nupepa me whakaatu mai kia tukua atu ano tetahi atu.

PANUITANGA.

HE whakamahara tenei, kaua e tukua mai he Hiriwa, he koura ranei ki roto ki a koutou reta mai ki a TE KORIMAKO HOU, notemea ka weiteria e te Poutapeta a ka riro atu i a ia tetahi wahi o te moni. Enrangi me tuku mai i te panekuini, i te noti, i te tieki, i te moni-oata ranei.

PANUITANGA.

KO te mea tika rawa me whakarite e nga kai tautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO HOU kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako Hou.

"Kei te Atua te tatou piringa."

OPOTIKI, AKUHATA 8, 1890.

NGA TANGATA O TENEI HUI.

UPOKO. - TE PIHOPO.

NGA MINITA, -

Rev. S. M. Peneha, Rev. G. Manihera, Rev. W. Kutia, Rev. P. Peneha

NGA MANAI REIMANA, -

Romana Tautari,* Torere.

Wetini Taku, Torere.

Waaka Te Ranginoti, Maraenui.

Renata Pakipaki*, Te Kaha.

Wiremu Tamataua*, Te Kaha.

Hohepa Karapaina*, Raukokore.

Hemi Te Kani*, Raukokore.

Tamati Te Rangimaewa, Whakatane.

Pene Te Huki, Whakatane.

Ratema Te Awhekotuku, Te Rotoiti.

Rawiri Te Tukiwaho, Te Umuhika.

Taimona Hapimana, Rotorua.

Pererika Te Kiekie, Matata.

Manehira Te Hiraa, Matata.

Raineka, Haumia*, Rotorua.

Rapana Te Taru, Maketu.

Wikiriwhi Matataia, Maketu.

Paora Enoka, Te Puke.

Wiremu Piahana, Tauranga.

Rawhiri Kahia*, Taupo.

Wi Maihi Maniapoto*, Taupo.

Rawiri Te Manuariki, Rotoiti.

Hapeta Te Pakara, Rotopi.

Kahore nga tangata e mau ake nei te tohu nei * ki te taha o nga ingoa i tae ki te Hui.

He tuhituhinga tenei i nga mahi a te Hui o te Hahi Maori o te takiwa o Rotorua tae noa ki Whangaparaoa i te Pihopatanga o Waiapu i whakaminea ki Maketu: -

No te Ratapu o te 25 o nga ra o Mei, 1890, ka whakamine nga tangata o te Hui ki te whare karakia i Maketu, ki te whare karakia a Paora Apotaro. Ko nga tangata i pa ki te Hapa Tapu 20. Ko te (…) a te Hui, £1 9s 3d.

No te 10 karaka ka (…) whare karakia i te aonga aka ki te ka rukia. i te 11 30 o nga haora ka timata te mahi, ka karangarangatia nga ingoa, me te whakaae ano enei ki a ratouingoa: -

Minita, Rev. W. Kutia, Rev. H. Manihera, Mangai Reunana, Wetini Taku, Waaka Te Rangineti, Tamati te Rangimaewa Pene Te Huki, (…) Te Tukiwaho, Pererika Te (…) Menehira Te Hira, Rapana Te Tara, Wakiriwhi Matataia, Paora (…) Rewiri Te Manuariki, Hapeta Te Pakuru, Ratema Te Awekotuku.

Na ka mea te Pihopa kua tu te Hui, a, ka inoi. Ka mutu ka whaikorero Te Pihopa ki te Hui, koinei tana korero: -

He oranga ngakau tenei ki a au kaa tae mai nei ki tenei, te mine nga tua ahi o te Hui nei ki konei, haunga hoki tera Hui ki te Kaha, ki Opotiki i te tau ka hori ake nei. Ko tenei na tatou anake, no tenei wahanga o te Hahi o tenei Pihopatanga. Ko tenea tenei e puta ai a tatou maharahara tetahi ki tetahi, e kitea ai te whakakatahitanga o ia wahi, o ia wahi o te (…) Karaiti. Ko te mea (…) topu tonu nga ritenga, kia kua ai ko te