TE KORIMAKO HOU.

HE NUPEPA WHAKAATU I NGA TIKANGA O TE WHAKAPONO, I NGA RONGO O TE AO KATOA, ME ERA ATU MEA.

NAMA 8.

OPOTIKI, HEPETEMA 10, 1890.

[TE UTU, 8D.

PANUI KI NGA KAI-TAUTOKO.

Ko te utu mo TE KORIMAKO HOU e wha hereni (4s.) mo te tau. He mea tuku noa atu te tukunga atu ki te Poutapeta. Ko nga moni me matua tuku mai.

NOTICE TO SUBSCRIBERS.

THE price of TE KORIMAKO HOU is four shillings (4s.) per annum, post free. Subscriptions are payable in advance.

PANUI KI NGA KAI-TUHI MAI.

Ko nga pukapuka katoa mo tenei nupepa me penei te tuhi mai ki "TE KORIMAKO HOU, Opotiki."

NOTICE TO CORRESPONDENTS.

ALL communications to this paper are to be addressed to "TE KORIMAKO HOU, Opotiki."

PANUITANGA.

KA tukua atu te nupepa mo nga marama e ono mo nga rua hereni (2s.) katoa e tukua mai ana, timata mai i te 1 o Hanuere, 1890. E koutou, e nga tangata kahore e tae atu ana a koutou nupepa me whakaatu mai kia tukua atu ano tetahi atu.

PANUITANGA.

HE whakamahara tenei, kaua e tukua mai he Hiriwa, he koura ranei ki roto ki a koutou reta mai ki a TE KORIMAKO HOU, notemea ka weiteria e te Poutapeta a ka riro atu i a ia tetahi wahi o te moni. Enrangi me tuku mai i te panekuini, i te noti, i te tieki, i te moni-oata ranei.

PANUITANGA.

KO te mea tika rawa me whakarite e nga kai tautoko, he Pakeha e mohio ana koutou i o koutou takiwa, hei taunga atu mo a koutou nupepa. A me tuhi mai te ingoa o te Pakeha kia mohio ai matou hei tukunga atu mo te nupepa. Me korero ranei e koutou ki nga Poutapeta i o koutou takiwa, kaua a koutou nupepa e hoatu ki tetahi tangata. Ko nga reta me nga panui katoa e tukua ana mai kia taia ki TE KORIMAKO HOU kia marama te tuhituhi, kia pai te wehewehe o nga kupu. Me tuhituhi nga korero ki te taha kotahi o te pukapuka.

Te Korimako Hou.

"Kei te Atua te tatou piringa."

HE TANGI, HE AUE NA TE ''KORIMAKO HOU."

KUA ahua hurorirori te rere o te manu nei, i te mea kua kore he oranga mona, me pewhea ra, e te whanau, me whakaaro tonu, me tuku ranei ki raro? Kei a koutou te tikanga. Ko te tikanga ra tenei, kia te 15 nga tangata e tuku hou mai ana i nga hereni e wha, i ia marama, kia 30 ranei hei tuku mai i nga hereni e rua. Ki te kore aua tangata hou e whakauru mai ka hinga ta koutou mokai; ko nga toenga o nga hereni e whakahokia atu ki nga tangata i ngakau nui ra ki te whangai. Engari e kore e kaikatia ka ata tatari marie me kore ranei e puta mai he oranga i te Nota, i te Ita, i te Hanauru, i te Tonga ranei. Tena e nga hau nei taria mai he aroha, he manaakitanga, he atawhai, he whakaaro nui, Aue! aue!

KUA tae mai etahi kupu patai a etahi o nga kai tango i te nupepa nei mo te korenga e tae atu ki o ratou marae. Na, kua tae te timotimo o te manu nei ki nga taringa o te kai paopao i ona pi hei riri ki a ia, heoi e ki mai ana, e hara i a ia te he; i tukua ano e ia ki te Poutapeta. I maharatia ano e te katua i te timatanga ka kotahi tonu te kohanga, e whanau ai aua pi, e paopao ai kia kite ai ia i te rerenga i te mea kua tupu nga parirau. Heoi he kore kohanga tika, he mataotao anake, na ka whai ki te mea mahana. Kati tae rawa atu nga heki, kua pirau etahi, kua ngaro noaiho etahi, a i whaia ano pea nga pi e te kaiaia, i te mea e rere haere ana i te takiwa. Ko tetahi mea paopoa heki a te Pakeha he mihini he mea tahu ano ki te rama, ka waiho i reira nga heki a paopao noa, e peratia ana tenei, na te whaea koke pea i he ai.

HE RONGO KORERO.

Kei te tahuri tonu te pononga utu i o ia mahi, o ia mahi i tawahi tae noa ki tenei motu ki o ratou rangatira, kia whakanekehia ake he moni ma ratou. Ko te rangatira moni kei te ki te korokoro ka kimihia ano he tangata ke maku. Ka mea tera ka patupatu o tangata. Na, ko te ture hei wawao.

Erua enei kohuru hou te whakatakia nei e te ture, No Kihipane tetahi, he Pakeha, i pupuhi tana hoa kia riro ai te wahine mana, he tikanga na raua tahi ko taua wahine. No te kimihanga i te tangata i te mea e ngaro ana ka mohiotia he mea kohuru, na ka hopukia te kai kohuru.

No te Wairoa, Kaipara, tetahi. He pirihimana ko, Makarauri, i puhia e tetahi haurangi, i panaa e ia i runga i runga i te tima, he pu hurihuri te pu. Ka rua tangihanga o te pu ka mea ratou kahore he mata, no te toru ka tu te pirihimana, hinga tonu atu, mate tonu. Ka hoki te tima na ka whaia taua nanakia ka puhia hoki ki te hota, ka mau kei Akarana.

He whawhai tenei kei waengarahi o