NAMA 1, PEPUARE 8, 1893.

HUIA TANGATA KOTAHI.

HE perehi tenei mo nga iwi Maori, katoa,

o Aotearoa, mete Waipounamu, kua hua

ina, tono ingoa i konei, ko Huia Tangata

Kotahi, hei ritenga ia mote Perehi, e hui

hui ai, tatou, kite whakaro, kotahi, ko ia, i

huaina ai, tona ingoa, ko Huia. Note mea

mo tatou katoa, tenei taonga, hei kawe atu,

io tatou mamaetanga, kinga wahi katoa, o

Aotearoa, mete Waipounamu, mera atu,

moutere ote moana, a, hei whakaatu hoki,

kia tatou, inga rongo korero, ote ao, me nga

korero, oto tatou Paremata, mea akenei tu,

ma tenei pea, ka mohio tia ai, te tua-kana,

tanga, o tatou, mete whanaunga tanga, i runga

ito tatou, kotahi tanga, e whaka harea, nei

kia oti.

Tenei ahau te whaka-tauki, to koutou

tipuna, ka maranga, kai-runga. Koia ra

tenei, enga iwi, enga Rangatira, enga hapu

te iti mate rahi te wahine, mete tamaiti, te

pani, mete pouaru te kopa, mete matapo,

tena ra koutou. I te ware ware ahau, io

koutou tirohanga, meo koutou, whakaro.

Note tiwera wera, o te tangi, mete aue tanga

nui e whaka, wairua ana, i raro rawa ite

hohonu, o te Whenua, a, mete mea i oto

inga kapua, pouri, ote whanui tanga, i runga

ite takiwa. Na reira, maranga ake nei, ki

runga ano mete mea, he tinana, tangata, he

reo tangata, e mea ana.

Huia e, huia tangata kotahi. Toroa e,

toroa whakapai tangata. Koia hoki ete ihu,

ete kie, e waenga, kia rite rite Pehia.

Te whanaunga ote tangata, i mua kote wae

wae, nate aroha, e toko ake ana i roto. To

tatou whanaunga ina ia nei, koto tatou

nupepa. Te hoa i tawhiti, kua tata, te aroha,

kua noho tahi mihi atu, mihi mai/

Ehoa ma, e noho maira inga pito, e wha

ote Ika, ato, koutou tipuna, a Maui.

Karangatia te manuhiri, kia peka, kite

kainga Horahia mai o koutou, taonga o mua

Wetekia nga putea ote mohiotanga utaina

-mai, ki runga kito koutou, Manu, hei, kawe

atu mana kinga hau e wha, ite tahi pito, ote

ao, whawhe noa, ite tahi pito.

I tupu mai te mana mete kotahi tanga, io

tatou tupuna, mete karanga kite manuhiri,

waihoki karangatia te manuhiri tuarangi kia

peka kite kainga whangaia mai ahau, kite

korero nui menga korero iti te mate

mate ora.

He tikanga nui tenei ma tatou i roto ito

tatou kotahitanga kia whiwhi tatou ite

nupepa, hei whakatu hei whaka marama,

inga tikanga, i roto ito tatou, kotahitanga.

Hei whaka marama hoki inga mea, e awanga

wanga tia ana ete ngakau. Inga-wa e

whakaaro-aro, noaana, te ngakau i roto ite

pouri, kinga rongo taruangi, e puta maiana

i raro ite ra. E rite ana tenei e hoa ma kite

Kanohi. Notemea matenei, ka kite a itatou

inga mahi e mahia ana ia wahi ia wahi o

Aotearoa, mete Waipounamu, mera atu wahi

o te ao. E rite-ana tenei, kite taringa, note

mea karongo tatou inga; korero o tawhiti.

E rite ana, tenei kite arero, notemea ma tena

ka taea ai te korero nga mahi pai menga

mahi kino, e meinga nei kite tangata raua

kote whenua. E rite ana tenei kinga ringa

ringa ma tena ka taea ai te whawha nga mea

e tupu ai e whai kaha ai te tinana. E rite

ana tenei kite roro kite manawa, notemea

matena e puta mai ai te whakaro nui, mete