NAMA. 2., PEPUARE 25, 1893.

PANUITANGA.

Kinga Iwi katoa ote iwi Maori. E noho maira i

Aotearoa mete Waipounamu

Kua oti ite Komiti o Huia Tangata Kotahi Nupepa

te whaka tuturu nga take e mau i raro ihonei.

1. Ko tenei Nupepa, he Nupepa Maori i raro ite

kotakitangata o te Tiriti o Waitangi. E tu ke ana

tenei Nupepa inga mana Kawanata-nga Pakeha, me

era atu tangata e hua ina nei he Pakeha.

2. E taia ana nga korero o nga hui ina tukua mai.

Menga rongo korero, menga whanautanga" tamariki

marenatanga, menga tangata mate, mera atu korero

e tika ana.

3. E kore e taia e tenei, Perehi, nga korero whaka

kino ingoa. Mote tahi tangata. He mea tino kino

hoki tena kinga Perehi katoa ite ao.

4. Me whakaaro nga iwi onga motu nei kite oranga

mo tenei Nupepa, Ara kia rite te whakaro kite nga

iki oranga kia whai kaha ai nga kaimahi o tenei

[Nupepa.

I 5. Ko tenei Nupepa e timata atu-ana inaianei. No

Ireira ka whakarohia ki tenei. E rua putanga ite

marama kite tangata e tonoana, kia tukua atu te

Nupepa kia ia.

E 6. Ko te utu mo tenei Nupapa, ite tau, Kotahi

Pauna. Ka tukua tonutia kite tangata e tuku mai

[ana ite Pauna mote Nupepa ite tau. Ko tenei moni

pe moni iti rawa ara te pauna kotaki inga moni e

ruke ruke-a noa tiaana e te tangata ite tau kotahi.

I 7, Kia kaha nga Rangatira nga hapu ia wahi ia

wahi o Aotearoa mete Waipounamu ki te awhina ito

tatou Nupepa. Hei Reo hei taringa mo tatou hei

whakaatu hoki kia tatou inga mahi o to tatou

kotahitanga.

9. Kia marama to tuhi mai ate tangata i tona ingoa

mete ingoa ote kainga mete Poutapeta hei tukunga

atu ite Nupepa.

9. Me tiaki te tangata i tana Nupepa. Kaua e

rukea noatia ko to tatou kuare hoki tenei ki a tatou

Nupepa ka mutu te korero ka riro atu ite tahi tangata

ngaro atu.

Ki te tuhi mai te tangata ki to tatou Nupepa me

penei te tuhi

Kia

Ihaia Hutana

Etita o Huia

Hehitingi Nepia.

TANGATA MATE.

Note 12 onga ra o Pepuere nei i mate ai a WI WHEKO

KOANA tau nuku atu pea ite 70 ona tau I mate ki

Heihitingi, he kau matua rangatira no ngati te Upokoiri

me ngati Hinemanu.