NAMA 42. HATAREI, TIHEMA 1, 1894. PUKAPUKA 2

Tukua mai te whangai i mua ka rere atu te

Manu. E hara i te tika ma te hunga kua utu i

tana Pepa e utu te Pohitanga ki te hunga kaore

ano i utu.

Ko te utu mo te pepa nei ite tau, kotahi

pauna, ki te tuku mai te tangata i tana pauna,

ite Pohi, me Rehita rawa, ka tuku mai; ko te

tuhi me penei.

Kia Ihaia Hutana, Etita o Huia,

Hehitingi Nepia.

PANUITANGA

Kupu whakamarama ki nga hoa ki te tuku

moni mai koutou, mote Pepa nei, me tuku mai

i nga moni ota o nga, Poutapeta, kaua i nga

Pane Kuini, he mea ua ua te homai moni mo

nga Pane kuini i konei.

Tenei kei te Tari o Huia nga Pukapuka wha-

ka Kawenata o te Paremata Maori, o te Kotahi-

tanga i tu nei ki te Waipatu, ite tau 1892, me

to tau 1893, kua whakakotahitia te Pukapuka,

ki te hiahia te tangata me tono mai ki te Etita

o Huia, Hehitingi Nepia, me tuku mai hoki te

raa herengi, ka tukua atu te Pukapuka i te

Meera.

HUIA TANGATA KOTAHI

HATAREI, TIHEMA 1, 1894. ——

"HUIA E"

HUIA TANGATA KOTAHI,

TOROA WHAKAPAI TANGATA.

AHAU RA E NEHE MA, E NGOI MA,

E TAMA MAA I

ARA e koro ma e kui ma e tama

ma. E kore hoki ra e taea te

whakakoromaki tonu i roto mo te

wa roa. Tenei te hanga tarewa

tonu te ra te arero i waho, maroke

hikaka te korokoro. Nonoti ana

te tatua ki te hope, kei te tapipi

noa ki te wai kawa o te Puha,

hore rawa he aroha hei kinaki.

No reira kua roa tenei te wa e

rere ana ahau kia koutou ia wiki

ia wiki, a kua taea tenei te rau-

mati, kua tarewa te rau ote rakau,

kaa kohera nga puawai matamua,

kua whakangao te hua i roto, a

kua whawha te kanohi, kua nga-

ua ete taringa, kua horomia keite

ngakau ara nga rongo o te ao e

haria atu na ki nga hua.

No reira nei he aha hoki te he

o te inoi atu, kia tukua mai te ora

mo ta koutou mokai. E hara hoki

ahau, i au e rere atu nei i te kai

mahi ki nga rangatira tokorua, e

whakahawea ai ki tetahi, e aroha

ai ranei ki tetahi. Engari ko te

kaimahi ahau ete iwi kia koutou

anake kei te Pono taku mahi,

tukua mai ra e nga hoa te mea e

rite ana mo taku, kia koutou.

Na ta koutou mokai Huia

Tangata Kotahi.

KUA tata tenei te wa i whakaritea ni

i roto i te kape o te Pukapuka

Kamupene mo Ruia Nupepa. E

mea ana i reira, timata lu te Puare i te 1 o

Hurae 1894. Ka kopi i te ra whakamu-

tunga o Tihema, ka ono ai marama i

whakapuaretia ai hei tangohanga hia,

raa te iwi, a ko tenei kua tata tenei ki

nga ra whakamutunga o Teihema. E

ahei ona i konei kia hohoro te whaka-

takoto i te moni e te hunga kua taunaha

me te tango hoki i nga hia e toe ana, kia

wawe te pau, aha koa kei te komiti ano te

whakaro, mo nga ra i muri o te ono ma-

rama, e peheatia ai ranei e ratou te ahua,

ko te mea i akiaki na utu ai kia tere te

whakatakoto i te moni, me te tango hoki

i nga hia, kua tata te wa e mutu ni te

Kirimina, mo tenei ahua o Huia ia ia e

rere atu nei, ia Hanuere 1895, kiu timata

tonu atu ai te rere i reira o te Huia

Motuhake, i runga i tona ahua.

Ko te ahua o te pepa ka rite ki Wikiri

Niu Pepa pakeha nei, a tena e ono nga

wharangi; nuku atu ranei kei nga korero

te tikanga, a ka kotahi ano putanga ia

wiki ia wiki pera ano i te wiki Niu, a i

runga i tenei ahua tena te tangata e hoha

ki te korero, rokohanga kua puta mai to

tetahi wiki, no reira i pai ai te Puta wiki,

tetahi pai hoki, kotahi ano meera i roto

i te wiki e tae ai te Pepa ki ia wahi ki ia

wahi, haunga ia nga wahi e haerea nei e

te Rerewe, e ngari mo nga wahi pera i

Taupo ma, era ara atu waahi.

Kua oti noa atu te whare mo te Perehi

i nga ra whakamutunga o Hepetema, ka

hori nei. I runga i te whakahau a Noa

Huke kua mate ake nei, no reira tere

tonu te oti o tera taha, a heoi te taha e

toe ana kei te iwi, ara ko te taha kua

korerotia ake i runga ra. No reira ka

whakahau atu nei kia tere te tuku mai i

nga moni mo koutou hia, a tenei hoki

etahi kei te whakatakoto, kia tere ni te

rere o te manu, i mua o te haerenga o te

hui ki Rotorua, kia rongo ai te iti te rahi,

i nga mahi o Rotorua, me te Kauhanga-

nui, mea ake nei tu. Henui hoki te wha-

karo kia hihiko mui te ngakau o te iwi

me te hiahia katoa.

He mea

Kei rapu rapu te whakaro o nga hoa.

no reira ka whakaatu ria nei i konei. I

runga i tetahi whakararunga noatanga

kua pa mai ki te Etita, he mea rawaho

i to tatou Pepu, no reira ka kore

rere atu te manu ki nga hoa i te wiki

tuatahi o Tihema e haere iho nei, a

e rere atu i te wiki tuarua, ki nga

tutata me nga hoa i tawhiti.

NO HERETAUNGA

KUA puta nga kupu tohutohu a nga

Pihopa o Ahitereria me Tahimenia.

ki te Huhi me nga tangata katoa, kia

whakahaerea te mahi kawe i te Rongo-

pai, ki nga Tauiwi, ara ki nga wahi

kaore ano i matau ki te ingoa o te Ariki,

me nga kupu whakarite mo te noho tahi

o ngu mea rarata ki nga mea makaa, ara

te nohanga o te tamaiti kua whakamutua

te kai u ki te noho anga o te Neke. I