NAMA 45. HATAREI, HANUERE 5, 1895. PUKAPUKA 2

Tukua mai te whangai i mua ka rere atu te

Manu. E hara i te tika ma te hunga kua ata i

tana Pepa e utu te Pohitanga ki te hunga kaore

ano i utu.

Ko te utu mo te pepa nei ite tau, kotahi

pauna, ki te tuku mai te tangata i tana pauna,

ite Pohi, me Rehita rawa, ka tuku mai; ko te

tuhi me penei.

Kia Ihaia Hutana, Etita o Huia,

Hehitingi Nepia.

PANUITANGA

Kupu whakamarama ki nga hoa ki te tuku

moni mai koutou, mote Pepa nei, me tuku wai

i nga moni ota o nga Poutapeta, kaua i nga

Pane Kuini, he mea ua ua te homai moni mo

nga Pane kuihi i konei.

Tenei kei te Tari o Huia nga Pukapuka wha-

ka Kawenata o te Paremata Maori, ote Kotahi-

tanga, i tu nei ki te Waipatu, ite tau 1802, me

te tau 1893, kua whakakotahitia te Pukapuka,

ki te hiahia te tangata me tono mai ki te Etita

o Huia, Hehitingi Nepia, me tuku mai hoki te

rua herengi, ka tukua atu te Pukapuka i te

Meera.

PANUITANGA;

Konga tangata kua uru ki roto Kampunu o

Huia Tangata Kotahi, kua taumaha hia ma

ratou, i roto i taua Kamupene, ka kiia ratou

he raeroa no te komiti o taua Kamupene, kua

taea tenei te mutunga o nga ra o Tihema te

paunga o te ono marama i whakaritea ai hei

mutunga.

E tono atu ana tenei kia tae mai koutou a te

Hatarei te 12 o nga a Hanuere 1895, ki Hehi-

tingi, ka noko te komiti ki te tari o Huia i te

tekau, 10 haora i te ata, ki te whakarite i ona

tikanga katoa e whakarohia ai e te kouaiti.

PENE TE UA.

HORI ROPIHI.

HUIA TANGATA KOTAHI

HATAREI, HANUERE 5, 1895.

KOTAHI PUTANGA ITE WIKI,

" HUIA E"

HUIA TANGATA KOTAHI,

TOROA WHAKAPAI TANGATA.

HE nui ano te awangawanga

mo te ahua o te Pepa kaore

nei i puta i tenei wiki, ka-

hori, he aha koa, e kore hoki e

taea te Peehi te hiahia o nga kai

mahi o te Pepa nei, i runga i te

ahua me nga ahuareka me nga

haringa ngakau a te tangata i

roto i te ra o to tatou Ariki, hui

tahi ki te tau hou, ai pau katoa

nga ra ote wiki ka hori nei i tena

ahua o te tangata puta atu hoki

ki nga hoa, ina hoki he maha nga

Pepa a nga hoa tutata tonu ki te

tari, kaore i taea mai e takoto

tonu nei. E matauria ana hoki

kaore he wahi i toitu i te hari i

te koa i te ra o to tatou Ariki me

te ra timatanga o te tau hou, a he

tikanga hoki tena, kia koa tatou

kia hari i tawa ra, i runga i nga

mahi pai i eke ai tenei tenei o ta-

tou, i roto i ona mauiuitanga me te

nui o te taimaha i pehia ai i roto

i nga marama tekau marua, a he

tokomaha o tatou whanaunga kua

ngaro atu i roto i tenei tau, otira

kote hunga i whaikaha koia tenei

kua eke ki te maunga kua mata-

kitaki hoki ki te pai me te ahua

o te wa hei haerenga atu, e

takoto mai ana i raua i te aroaro,

mo nga marama o te tau 1895, e

takoto mai nei, i runga i nga tika-

nga whakararu e pehi nei i runga

i te iwi.

No te 21 o Tihema nei i noho

ai te hui o nga rangatira o Here-

taunga ki te Waipatu rao te tae-

nga mai o Heke, M. H. R., raua ko

Wi Pere M. H. R., a i tae atu hoki

ki taua hui a Kapene Rahera

M. H. R. Ko nga kupu tuatahi he

mihi kia Kapene Rahera, mo te

ahua o nga hoa Rangatira kua

ngaro ake nei me nga whakahaere

o era wa. I tu hoki a Kapene

Rahera, be maha ana kupu wha-

kahoki me tana kii kaore ona

whakaro kia mate te iwi maori, a

kaore hoki ia e kaha ki te mea

tera e rite rawa te hiahia o te iwi

e tono nei, e hara hoki i te ahua

pai rawa te mea kia rua Kawana-

tanga mo roto i te Koroni kotahi

ko tona whakaro hei runga ano i

etahi tikanga e pai ai e ora ai te

iwi. I muri ka tu ake ko Heke,

ko tana tino Putake i whakaatu

ai he i whakarunga raa te iwi i

roto i tenei tau, kia whakamutua

te kooti whenna te Hoko te Riihi

no te mea keia tatou tonu tenei

mate, mehemea ka whakamutu i

enei Putake tena e puta mai he

pai ki te iwi. Kua oti te ture i

tenei Kawanatanga hei Whakamate

i te iwi, heoi ano mate iwi he

kooti i nga whenua ko te kawana-

tanga kei te titiro mai i te whaka-

taunga kua whakataua, kua riro

atu o ratou hia ki te Kawanatanga

a kua taka atu ki te Kaitiaki o te

katoa, mana katoa nga mahi, he

oti ta tatou e mohio kote whaka-

taunga anake, kei mahara tatou

penei i enei wa ka hori kei a

tatou ano te mana o tatou whenua,

kua kore rawa atu. Ko tenei

anake te huarahi e ora ai te iwi ko

te whakamutu i te kooti, i te Riihi

me te Hoko ki te Kawanatanga

ki te rite tenei kaora tatou i roto

i te mate kua oti mai nei i tenei

Paremata. No te mea konga tu

kooti o naianei he kooti hei tapae

atu i te whenua ki te Kawanatanga

me te Kaitiaki o te katoa, mana

katoa nga mahi me nga hoko

Riihi me era atu mahi, e kore e

matauria e te iwi. Ko tana tino

kupu tenei kia whakamanawanui

te iwi kia whakamutua te kooti i

roto i tenei tau kotahi, kaore he

huarahi ke e puta ai tatou i roto

i tenei mate, ko tenei anake, he

nui ana kupu whakamarama mo

enei take. I muri ka tu ake ko

Wi Pere, ko aua kupu tonu, ka

mea kei Pohe nga iwi o nga motu