Panuitanga.

Ki te tutuki te tau o te rere a te pepa ki a tangata,

ki a wahine ranei, ka takaia ki te takai whero.

Kia noho marama ai, kua tutuki te tau.

Ko te utu mo te Pepa nei, te 10 hereni, mo te tau

anake; kaore e hawhe tau.

Ki te kore he moni mo a taihoa utu ai tukua mai he

pane kuini kia taea ai te poohi atu. Mo te tau e

30 kapa; taihoa ia e utu mai te toenga.

Me tuku mai ma te Poutapeta, ko te tuhi me penei.

WAATA HIPANGO,

Etita o te Tiupiri.

Box 93, Wanganui.

Panuitanga.

Ko Hoori Pukehika te tino kai whaka-

haere ote pepa mo tenei iwi mo Whanga-

nui puta noa i ona rohe katoa.

• NA Te ETITA.

Te Haerenga o te

Kawana,

HE nui te hari o te Kawana, mo

runga i nga iwi Maori, e tae atu

ana ia kia kite ia ratou; me te

nui hoki o te koa o nga iwi maori ka

torona atu ratou kia kite kia rongo i o

ratou whakaaro mo to ratou piri pono ki

raro i te mana o Kuini Wikitoria, me to

ratou hiahia tonu kia piri pono tonu ratou

ki raro ki taua mana atawhai hei kai tiaki

mo ratou. I tae tonu a te Kawana, te

Pirimia me Timi Kara ki te hui a Nga-

puhi, i tu nei ki te Tiriti o Waitangi, a i

kite hoki te Kawana i te kohatu maipere i

poua ai e Ngapuhi hei tohu whakamaha-

ratanga mo te Tiriti o Waitangi, a e mau

ana nga tuhituhi o taua Tiriti ki taua

kohatu.

He pera hoki me nga papa kohatu i

tuhi tuhia ra e mohi nga ture kotahi tekau,

a e korerotia nei inaianei i nga wahi

katoa o te ao.

A, i whai koha te Kawawa ki te tohu i

nga maori o Ngapuhi, i mau nei ki te

herehere mo te mau pu, kua whaka-

putaina atu ratou ki waho o te here here

tanga, a he tohu nui ano tenei kia tatou

ki te iwi maori, te ata aroha, te ata ata-

whai o te Kawana me tona kawanatanga

kia tatou ki te tangata maori, mehemea

hoki ko ratou i mau nei he pakeha e kore

e whakaarohia e te Kawana, i runga i te

mea i hapai pu ratou.

I puaki hoki i te mangai o te Kawana

ki te iwi maori, mo runga i nga tono a te

iwi, kia whakaorangia ratou i runga i o

ratou mate, ara, nga reiti whenua, nga

taaka kuri me era atu mate, e pa ana ki te

maori, te kupu a te Kawana mo nga mate

e pa ana ki te iwi maori, ma aku minita,

me te Paramata o koutou mate e whaka-

ora, no te mea ko aku minita e tino nui

ana te whakaaro ki te iwi maori. He

tohu nui tena kia tatou ki te tangata maori,

kaore a tatou kotiti ki waho o te ture,

engari haere i runga i te ture, mahia nga

mahi, nga mate i runga i te ture.