| | |||||||||||||
| Te Toa Takitini E rua nga marama o tenei perehitanga o ta tatou pepa, ara kua whakakotahitia a Tihema me Hanuere. Ko te putanga a muri nei kei te I o Pepuere. Ma te kaha mai o te awhina ka ora. ai te pepa. Ko te utu e 6/6 mo te tau Registered at the G.P.O as a Newspaper. NAMA 5 me te 6 HASTINGSTIHEMA 12. 1921 HE MIHI MO Te Kirihimete Me Te Tau Hou. HE INOI:"E te Atua kaha rawa, i homai e Koe tau Tama kotahi kia whakatangatatia, kia whanau mai ano i tenei wa i te Wahina; Meinga matou, te hunga kua oti nei te whakawhanau hou hei tamariki mau, kia whakahoutia i nga ra katoa e tou Wairua Tapu; ko Ihu Karaiti nei hoki to matou Ariki; tena ia te ora na, te kingi tahi na, me koe, me te Wairua Tapu, kotahi ano ia Atua, ake ake ake. Amine. Ko te wa tenei hei hurihanga ake mo o tatou whakaaro ki nga manaakitanga a te Atua i te ao katoa, i runga i te whanautanga mai o tana Tamaiti i te Kirihimete tuatahi. Kua mohio tatou ki te mihi a te pakeha mo tenei wa e ki nei " Mere Kirihimete, Hape Nu Ia." Enei mihi ka waiho hei mihi atu ma " Te Toa Takitini" kia koutou ki ona rangatira o tena marae, o tena marae, o tena iwi o tena iwi e manaaki mai nei i ta tatou pepa. Kia piki te ora tinana me te ora wairua kia koutou katoa. ETAHI WA KIRIHIMETE A TE MAORI Te wa o te tau e kiia nei he Kirihimete, he wa i tupono ai nga manaakitanga nunui ki a tatou ki te iwi Maori. Te Heke o Hawaiki. I te unga mai o te Heke i Hawaiki, ka kite atu o tatou tipuna i nga " kura" e mumura mai ana i uta, ka whatoro nga ringa ki o ratou tino kura, ka maka ki te wai. No te taenga atu ki uta katahi ka mohio he puawai pohutukawa ke nga mea i pohehe nei ratou he kura. Ka kite iho ai tatou kua puta te puawai o te pohutukawa i te wa i u mai ai nga waka o te Heke nui mai i Hawaiki. Ko te ingoa o te pohutukawa ki te pakeha ko te " puawai Kirihimete " (Christ- |