(Ko te haerenga o te Karaka, i timata i te Nuipepa o Mei.)

I tera Nuipepa, ka wakamutu nga korero a te Karaka i te houhanga rongo; na, ka hoki, po tahi ka tae ki Kaihu, ki te kainga o Parore, moe ana matou i reira, ka tukua te kai ki a matou, ka mutu, inamata, kua timata maua ko Parore ki te korero ki te maminga o nga Pakeha, ki to ratou pokanoa te riri ki nga tangata maori, ki te he o te hoko, a wakarite ana maua, a Waenganui po noa ka mutu, ka moe, ko te roa koa o to maua aranga na ka peehi ta Rangihoa ehara ngongoro kau ana.

Kotahi ano tino he i hopukia e au, koia tenei, e wakarongo tonu ana a e wakapono ana hoki, ki te horihori o nga tangata tinihanga wakateka hoki, e wakakahoretia ana te korero pono a nga Pakeha pai, no reira ka oho tonu ai te ngakau i te mahi korero teka hoki, ka mahi ra te arero i tana mahi i te teka me te tini noa atu o. nga korero i wakakino ai te Kawana, me te tini o ona hoa

rangatira katoa. I te ata, kai marire ana, ka mutu te kai, i reira i Kaihu, ka maranga haere tonu i te ngahere kaukau haere ai i te wai a Opanaki ka eke ki Ngangutu, ka haere a Te Ngoiere a ka marere ki Waikara, ka To, moe ana i reira, ao ake te ra ka haere i te one, Waipona, te Tiheru, te Koutu, o he, hea ake, hea ake Waimamaku, hea ake, hea ake, a tae rawa ki te wahapu o Hokianga ki te. ware o te Meira te Mihanere, moe ana i reira, i te ata ka haere au ki a Rangatira te tino Rangatira o Pakanae ka korero maua i te mahi o Waitemata, o te Kawana, i te tini noa o nga Pakeha, te tikanga o te wakawakanga o te kai wakawa hoki, wakaae ana ratou katoa ki ta te ka wana tikanga; korero ana matou ki te tupato noa o nga Pakeha o Pewairani ki te tangata maori, me te kupu pai o nga rangatira katoa ki a te Kawana ki nga pakeha hoki, a roa rawa te korerotanga ka mutu ka hoki au ki te whare o te Meira, ka kai, e tika ana hoki te tai ka