|
| |||||||||||||
| OR MAORI MESSENGER. VOL. II.] AUCKLAND, MAY 23, 1862.AKARANA, MEI 23, 1862. [No. 10. Ko nga iwi, e penei ana me te ao e nohoia nei e ratou, e mau ana nga tiwha pouri, me nga tiwha marama, e whakapumautia aua hei toka wha-kamaharatanga, e tohutohu haere ana, i nga mea e whakapurerotia ake ana, i roto i nga wa torengi whakarere ki te po. Kahore he piwatawatata o te kikorangi o Niu Tireni, i mua atu o te takahanga-a-wae o nga iwi Pa-keha ki uta. Ko ehinu o nga mea i karangatia hei toka-tu-mania, ko te tahunga o te Arawa ; ko te hihi-ngatanga i muri iho ; ko te whaka-kauikatanga o nga iwi Maori, i tera taru oho rere, i te Rewharewha ; ko " Te Noanoa," i te whakaraweke-tanga ki nga tapu a namata kia noa ai ; a, i muringa iho nei, ko nga parekura whakamataku, o Taura-Kohia, o Mokoia, o Te Whetumata-rau ; whakatauwharewhare mai ana te pango o nga atarangi, ki runga ki te motu i whakawairakau-tia ki te toto tangata.Pa ana te wae o te Pakeha ki nga oneone o Niu Tireni, timata tonu ake te marama ; a, heahakoa, i tuku pu te rangi i etahi wa, whiti rere ana ano te ra, tauawhi ana mai nga hihi ki nga ngakau, i ngaua noatia ra e te mamae. Kahore atu pea, he mea i hira ake i roto i nga poutokomanawa o nga wa, i te tikanga a Ta Hori Kerei, Kawana, i whakahaerea nei mo te kawanatanga o te iwi Maori. He nui ano nga tuhituhi e maharatia ana e te ngakau, mo nga painga e ahu mai ana i taua tikanga, mo te ata tau hoki, ki nga mea i uaratia i te roki o te tau, e nga tangata Maori. Otira, ehara i te mea, e whakamatau-tau-a-tangata ana tenei, ki aua tika-nga o te Kawana, i horahia nuitia ki nga iwi, engari he titiro atu i runga i te whakaahuarekatanga nui ki aua tikanga, kua tino whakapumautia. Ko te take tenei i kore ai e puta rukaruka a matou kupu, e whai ana hoki te whakaaro, ma te tangata ano |