KO TE KARERE O NUI TIRENI [Na te Kawana i mea kia taia.]

Vol 2.] AKARANA, PARAIRE, TIHEMA 1, 1843. [No 12. E mea ana e Paora i taku tamarikitanga e korero ana e ahau me ta tamaiti e matou ana ahau me te tamaiti e te whakaaro ana me te tamaiti, otiia ka whakatupu tangata ahau ka whakarerea e ahau nga mea tamariki, tena, e mau tonu ana nga tangata maori i nga mea o o ratou tamarikitanga. I mua, he tamariki ratou no te pouritanga koia i aru ai i nga tikanga maori inainei he tamariki ratou no te mohiotanga koia ka tika ai kia whakarerea nga tikanga tawhito. I a ratou e noho ture kore ana e tika ana ano nga ritenga maori, hei ture koia kua takoto mai nga ture e te Kuini, kua kahore noa iho era ritenga kino, koia matou ka mea ata ai ki nga tangata maori katoa i whakarerea nga ritenga kuare a o koutou tamarikitanga whakaritea nga mea e te kaumatua, me ta Paora i ki nei. E tohe ana e tahi ki te ritenga tawhito mo nga kaipuke rere moana, e paea ana ki uta ka eke te kaipuke ka rere tonu nga tangata i te kainga i eke ai, ki te muru ki te pakaru he rawa tenei ki te ture, ko ta te moana, te Atua ranei nana te moana, i pai kia whakaora, e tino whakamatea ana e te tangata. I pena hoki te Rarawa ki a te Tipene i te ekenga o tona kaipuke i te Wharo E penei ana ano hoki e tahi o nga hapu o Ngatipaoa e pupuru ana i nga taonga o te kaipuke o te taua ma e mea ana ma te utu whakahara anake ka riro ai. Na tenei te tikanga mo nga kaipuke pakaru. Ka paea tetahi ki uta ka eke, ko te mea matamaa e whakaaroa e koutou, ko nga tangata kia whakaorangia muri iho nga taonga muri rawa iho, nga papa, nga haika nga hera nga aha ranei o te kaipuke. Na, poto katoa enei mea ki uta tahuri atu ki nga tangata, me kahore he mea e mate ai ratou, atawaitia ratou, penei me te manuwhiri ko reira kawea nga taona katoa i taria mai e koutou ki te tahi whare maru pehi ai tauia