TE HAEATA TE UTU MO TE TAU } KOTAHI 2s 6d} " Tatou ka haere i to Ihowa Maramatanga." { TE MO TE PUKAPUKA KOTAHI 3d VOL. 11.] AKARANA, HEPETEMA 1, 1860. [No. 6. MARAMATAKA MO HEPETEMA.

Hei le 15 o nga ra Hua ai te Marama. Hei te 50 o ngu ra Kowiti ai te Marama.

1 Hatarei 2 Ra Tapu Waiata 9, 10. 11. 3 Manei 4 Turei 5 Wenerei 6 Tarei 7 Parairei 8 Hatarei

9 Ra Tapu Waiata 44, 45, 46. 10 Manei 11 Turei 12 Wenerei 13 Tarei 14 Parairei 15 Hatarei

16 Ra Tapu Waiata 79, SO, 81. 17 Manei 18 Turei 19 Wenerei 20 Tarei 21 Parairei 22 Hatarei

23 Ra Tapu Waiata 110-115. 24 Manei 25 Turei 26 Wenerei 27 Tarei 28 Parairei 29 Hatarei

30 Ra Tapu Waiata-144—148.

E taia ana Te Haeata i te tahi o nga ra o nga marama katoa. Te utu mo tenei niupepa hia rua hereni mo te Tau te kau ma rua nga niupepa e taia i te tau kotahi. Ko nga tangata e mea ana kia taia o ratou whakaaro ki tenei niupepa, me tuhituhi a ratou pukapuka ki te Kai-Tuhi o Te Haeata, ara ki a Te Patara, kei Onehunga. Ko te tangata e hiahia ana kia taia tona panuitanga ki te Haeata nei, me kawe i tana pukapuka kia Te Wirihana ki te Whare Perehi o "The New Zealander," ma Te Wirihana e whaka- rite utu mo te panuitanga ka taia.

__ TE HAEATA.

AKARANA, HEPETEMA 1, 1860. TE RUNANGA MAORl KI KOHI- MARAMA.

KUA mutu te Runanga o nga Rangatira Maori i karangatia e te Kawana. Hoki- hoki ana te tangata ki tona kainga, ki tona kainga. Kua oti pai tenei Runanga. Pai katoa nga korero: Ahakoa eke ana etahi kupu ki runga ki te Kawanatanga, I e pai ana, e korero ana i te awatea. Ta te Kawana tera i tono ai, kia whakapuakina i Otia wahi pouri e te tangata, a kihai i i huna o ratou whakaaro e nga rangatira; korerotia nuitia ana o ratou i pouri ai. o ! ratou i marama ai. Utua ana a ratou ! korero e Te Makarini, te Upoko o taua Runanga,—whakamaramatia ana e ia nga wahi i pouri ki a ratou, heoiti hoki ma- rama ana ratou. Ka rua nga tikanga nui i whakaaetia e taua Runanga—ko te ata- noho, ko te piri ki te Pakeha. Kahore i pai ki nga pakanga o temotu nei kia tupu, ! kia kaha haere. Kotahi tonu te whakaaro i ki tenei wahi, ko nga pakanga a te Maori ki a ratou whakamaori me mutu; kote pakanga ki te Pakeha, me mutu. Kei ta i ratou whakaaro, kei ta te tokomaha o nga tangata o taua Runanga, na Te Rangitake | te take o te he ki Taranaki. I kaha ano I ta ratou kupu whakahe i te mahi kohuru a i Taranaki: kahore he tangata i tu ki runga ki te whakatika i tera mahi, he kau, he rawa rawa ki a ratou. Ta ratou e tino i pai ai me piri ki te Pakeha; me aroha ratou ki te Pakeha, me aroha hoki te Pa- keha ki te Maori. Ka tika, me aroha tetahi ki tetahi. Ma nga runanga penei e whakatupu te aroha : kia rongo hoki te Pakeha Ui ta te Maori whakaaro, kia i rongo te Maori ki ta te Pakeha; kia kawea mai ona pikaunga e te Maori ki te aroaro o te Kawana, kia marere hoki ona kawe- nga ki raro, kia haere mama hoki te tangata ki te nuku o te whenua, te ai he mea hei whakataimaha i a ia. Na, kua pai katoa ratou ki tenei ritenga, kua mea, me penei tonu he ritenga, ka taka he tau me runa- nga ano, kia tu katoa nga tau i te mahi nei. Whakaae ana ano a Kawana ki tenei. { kua karangatia ano he Runanga mo te (au 1861. Tenei tetahi take korero o taua Runa- nga, ko te mahi whakatu kingi nei. Ka nui nga kupu whakahe mo tenei wahi: ki a ratou ko te lake tenei o nga raruraru o te motu noi. Tu ana ko tetahi rangatira me tana kupu whakahe, ko tera rangatira me tana ano, kihai tetahi i pai ki taua ritenga, i kiia hoki, he ritenga wehewehe. he ritenga whawhai; kei a ratou me noho katoa nga Maori ki raro i le taumarumaru- nga o te Kuini, kia kotahi he ture mo te motu nei, kia kotahi mo te Maori mo te Pakeha, kia rite tahi. To nga Pakeha tenei e hiahia nei. Engari tenei, mahia tenei wahi. Otiia ko te tino tikanga e mau ai te aroha, ko te whakapono, ko te inoi ki te i Atua, ko te mahi i nga Karaipiture. Ko te take tenei o te pai; ko te tino paiaka tenei. Kia whakatokia te kupu a te Atua hei paiaka, ka pai te rakau, ka pai nga hua. Ka mahue tenei ka tangohia ketia he ture hei take mo nga mahi, ka kino te rakau ka pirau ona hua. No konei matou ka tohe nei, ko te kupu a te Atua he take, ko to Rongo Pai o te Karaiti hei turanga whare mo tatou: ka hanga to tatou whare ki runga ki nga kupu a te Atua ka tu, he kamaka hoki; ka hanga ki runga ki te kupu a te tangata ka hinga, he one hoki. Kei whakarerea te mahi Karaipiture e te whanau. Paunatia nga. mahi katoa ki enei pauna, kia kitea te ritenga te korenga ranei. Kia u ki te kupu katahi ka tino tupu te aroha, me te pai mo nga tangata katoa.

HE KORERO MO TE KAWENGA MAI O TE RONGO PAI E TE MATENE KI NIU TIRANI.

MURI iho ka haere a Te Matene ki Hoki- anga ki etahi atu wahi hoki, ki te kimi wahi pai hei nohoanga Mihinare. Haere tonu ana tona rongo i mua i a ia. Nu, koa tonu nga tangata o nga kainga i tau ai ia. He korero tonu tana ki a ratou i tena wehi kei patua nga Mihinare. Na. ko to ratou whakahokinga atu, Kahore ho he o te Mihinare e patua ai e ratou, kahore hoki e rite te reka o te kiri Pakeha