| | |||||||||||||
| Te Pipiwharauroa, he Kupu Whakamarama. Nama 113 GISBORNE Akuhata 1907 A TATOU TAMAHINE. HE tokomaha nga tangata e rongo ana matou e mea ana, "He aha te pai o te tuku i nga tamariki wahine ki te kura, hei te hokinga mai ki te kainga ko te mahi tuatahi he tuhituhi ki nga tama- riki tane; ka maumau noa nga mea i ako- na ki te kura; engari ano nga tamariki tane hei te mutunga o te kura ka whiwhi mahi hei huarahi e puta mai ai ki a ratou tetahi oranga mo ratou." Ki ta matou whakaaro he korero pohehe tenei, i pohehe ai na te kuare o te tangata ki te tino take i whakaakona ai te tamaiti ehara i te mea kia mohio ai ia ki te kimi huarahi e nui ai te puta o te moni ki a ia, he tika ano tenei, otira ko te tino take i haere ai te tamaiti ki te kura, hei whakanui i ona whakaaro, ki ahei ai ia ki te tu ki nga ha- nga huhua o te ao. Ko te tino take i whakaakona ai a tatou kotiro ehara i te mea kia mohio ai ratou ki te mahi moni, engari kia rite ai ratou mo nga tikanga i whakaritea ma ratou i tenei ao. Ata ma iho ki o tatou ngakau ake, he aha te tino mahi ma te kotiro i tenei ao. He tuitui kakahu ranei kia whiwhi moni ai ia? Ka- hore. He whakaako kura ranei kia whi- whi moni ai ia? Kahore. He tika katoa enei mahi, otira ehara tenei i te mutunga. He pai ki te tuturu te kotiro ki enei mahi, a, mate noa ia. Otira tokohia nga wahine Maori e noho takakau ana a hakui noa? Kotahi pea i roto i te mano. Ki te mea e moe tane ana te nuinga o a tatou kotiro, me whakaako ratou kia mohio ai ratou ki nga mahi ma te wahine marena: ki te tiaki i tona whare, i ana taonga; ki te tu- nu kai; ki te whakatupu i ana tamariki. Koia nei te tino take i whakaakona ai te kotiro ehara i te mea kia whiwhi moni ai. Kahore he he o te kotiro ki te tuhitu- hi ki te tamaiti tane mehemea he hiahia ki te marena; kahore he haru o te hiahia o te tane ki tetahi wahine mana o te wahine ranei ki tetahi tane mana, na te Atua tena hiahia i whakato ki roto o te ngakau. "Na, ka mea a Ihowa te Atua, e kore e pai kia no- ho te tangata ko ia anake; me hanga e ahau tetahi hoa pai mona." Ki te hiahia te kotiro ki te tane kaua tatou e mea no te rewera tera whakaarokei whakarewe- ratia e tatou, ka rewera ano te mutunga engari me tohutohu te kotiro, me arahi ona whakaaro kia hiahia ai ia ki te tanga- ta totika, kia mohio ai ki te tapu o te ma- rena. E whakapaua ana e te pakeha ra- ngatira ana moni ki te whakaako i tana tamahine, a tae rawa ki te whakatangitangi piana, ehara i te mea kia whiwhi ai tana tamaiti ki te moni engari kia whiwhi ai ia ki tetahi tane pai, kia mohio ai ia ki nga mahi a te wahine marena. He tino ture na te pakeha, kahore nga tangata kura ti moe i nga wahine kuare. Waihoki e whakaakona ana a tatou taitamahine, kia rite ai te wahine ma te tane, te tane ina te wahine. Ma te matau o nga matua e matau ai nga tamariki; ma te pai o nga matua e pai ai hoki nga tamariki, a, e matau ai, e pai ai te Iwi katoa. I te whaikorero a Paura, Minita mo nga Kura, i mea ia ko te ahua o te iwi kei te ahua o nga wahine. Ki te kuare nga wahine ka O |