Nama 12.

Hepetema 1914.

Te Kopara.

Te Oranga mo tenei pepa e Rima hereni mo te Tau.

HE KUPU WHAKAMARAMA.

KI te hunga e rere atu ana te Kopara kia ratou, e hoa ma tena ra koutou. Kua kotahi tau te Kopara e rere atu ana ki a koutou, e mahara tonu atu ana otira kaore ano koutou kia whakaaro mai ka tuku mai he oranga. Ma koutou noa e titiro mai i tena takoto o te korero kei te taumaha rawa ia, kei te ngenge, no reira kei mea koutou te Kopara te kino ki a koutou ina kore ia e puta atu ki a koutou a nga putanga o muri atu i tenei. Kaore e taea e te Kopara te rere ki nga wahi kaorc he oranga mona i reira engari ka kimi ano ia i nga wahi e ora ai ia. I tenei wa i te wa o te pakanga kua piki te utu o nga mea katoa no reira kei te tino taumaha rawa atu te Kopara i tenei ahuatanga, kua piki te utu o te pepa o te mangumangu o nga mea katoa e pa ana ki nga whakahaere o te Kopara, otira ko te Kopara kaore i te whakapiki i te whangai mona engari ko taua rima hereni rano i te tau. Hei muri atu i tenei ka tukuna te Kopara ki nga mea anake kua kohi mai. Ko nga tino korero e panuitia ana e te Kopara inaianei ko nga korero o te whawhai me ona whakaakoranga wairua. E hoa ma mahara mai ki ta tatou Manu. Kia ora ono hoki nga mea kua mahara mai me nga mea kei. te mahara tonu mai inaianei. Tena koutou katoa. ETITA.