| English |
Nau mai ki te Kohikohinga Niupepa Māori
Kua whakaemitia mai ki konei he kohikohinga niupepa i tāngia mō ngā kaipānui Māori o ngā tau 1842-1932. E taea te pānui niupepa mā te rapu kupu, i te rārangi taitara, me te rārangi wātaka hoki. He mea i whakatūria e te kaupapa New Zealand Digital Library, i te Tari Rorohiko, o te Whare Wānanga o Waikato.
Kei raro nei he kupu whakamārama e pā ana ki te kohikohinga nei.
Ka nui te mihi ki ngā
rōpū tautoko i te kaupapa nei. Nā tā rātou tautoko kua
kore he utu, mā koutou, mō te titiro ki ngā niupepa nei. Ko te Tāhuhu o te Mātauranga
tērā, me ētehi whare pukapuka e noho mai nei ki ngā whare
wānanga o te motu. Tirohia ngā rōpū tautoko.
He nui ake i te 17,700 whārangi, mai i te 34 niupepa kei te kohikohinga nei. He mea hanga i te "Niupepa 1842-1933", te kohinga kua whakaemihia e te Alexander Turnbull Library ki runga i te kiriata mororiki. E 70% kei te reo Māori, 27% kei ngā reo e rua, ā, kua āhua 3% kei te reo Pākehā. E toru ngā kaupapa matua o ngā niupepa nei: he hāpainga kāwanatanga; he pānui rānei nō ngā iwi Māori; he kupu whakapono rānei nō ngā hāhi.
E whā ngā wāhanga nui o te kohikohinga niupepa Māori:
- ngā whakaahua o te whārangi niupepa
- ngā kupu kua tangohia (mō te rapu) i aua whārangi
- he kupu whakataki mō ia niupepa
- he rāpopototanga reo Pākehā
Mō ētehi atu kōrero pānuitia te pukapuka Rere Atu Taku Manu! Discovering History, Language & Politics in the Māori Language Newspapers. Nā Jennifer Curnow, rātou ko Ngapare Hopa, ko Jane McRae. Auckland University Press (2002).
 |
Ko te tino tautoko o te kaupapa nei, i puta i te Tāhuhu o te Mātauranga. |
Arā anō hoki ngā tautoko i tukua mai e ngā whare pukapuka o ngā whare wānanga:
- Te Whare Pukapuka o te Whare Wānanga o Waikato
- Te Whare Pukapuka o te Whare Wānanga o Otago
- Te Whare Pukapuka o te Whare Wānanga o Massey
- Te Whare Pukapuka o te Whare Wānanga o Victoria
- Te Whare Pukapuka o te Whare Wānanga o Auckland
- Te Whare Pukapuka o te Whare Wānanga o Canterbury
- Te Whare Pukapuka o te Whare Wānanga o Lincoln
Kei runga te kohinga "Niupepa 1842-1933" i te kiriata mōkito 35mm me te kiriata mororiki. Ka taea te tono atu ki te whare pukapuka o tō rohe, ka taea rānei te hoko, mai i te Alexander Turnbull Library.
Nā te New Zealand Micrographic Services Ltd. i whakawhiti ngā whakaahua, mai i te kiriata mōkito ki te whakatakotoranga TIFF.
Nā Gail Dallimore ngā kupu whakataki.
Nā tētehi rōpu rangahau i te Tari Māori o te Whare Wānanga o Tāmaki i whakarite ngā rāpopototanga reo Pākehā.